நயன் - விக்கி செய்த டிக்டாக் ; 90ஸ் கிட்ஸ்களை வெறுப்பேற்றும் வைரல் வீடியோ !

விக்னேஷ் சிவன், நயன்தாரா இருவரும் சேர்ந்து செய்த டிக் டாக் வீடியோ ஒன்று சமூக வலைதளங்களில் மிகவும் வைரலாகிக் கொண்டிருக்கிறது. ரசிகர்கள் அதிக அளவில் இந்த வீடியோவை ஷேர் செய்து கொண்டிருக்கின்றனர். அதில் நயனும் விக்கியும் க்யூட்டாக சில எமோஜிகளை அடுத்தடுத்து செய்து காட்டுகின்றனர்.

நயன் - விக்கி செய்யும் டிக்டாக் வீடியோவை இங்கு காண்க


நயன்தாரா மற்றும் விக்னேஷ் சிவன் இருவரும் அருகருகே அமர்ந்திருக்கிறார்கள். இருவரும் கேமராவை முறைத்து பார்ப்பது போல, ஒரு கையால் பல சைகைகளை செய்கின்றனர். இந்த வீடியோவை பலர் பார்த்து க்யூட், அழகு என கமெண்ட் செய்து வருகின்றனர்.

வழக்கம் போலவே, 90ஸ் கிட்ஸ் பலர் இந்த வீடியோவை பார்த்து பொறாமையில் பொங்கியுள்ளனர். 'கொரோனோ பத்தி போடுவிங்க னு பாத்தா கொஞ்சி விளான்டத போட்டுகிட்டு இருக்கிங்க' என ஒருவர் கமெண்ட் செய்துள்ளார். ரெண்டு பேரும் சேர்ந்து இருக்குறதுக்கு பேரு ஐசோலேஷனா.. தனித்தனியா இருந்து வீடியோ போடுங்க எனவும் கமெண்ட் செய்துள்ளனர்.





கொரோனா பாதிப்பால் மக்களின் அச்சம் நாளுக்கு நாள் அதிகரித்து வரும் சூழலில், அரசே அனைவரையும் வீட்டில் தனிமையில் இருக்குமாறும், வெளியில் வரவேண்டாம் எனவும் அறிவித்துள்ளது. கடைகள், பொழுது போக்கு தளங்கள் உட்பட எல்லாம் அடைக்கப்பட்டுள்ள நிலையில், அத்யாவசிய பொருள்கள் விற்கும் கடைகள், பாதுகாப்பு அரசு அலுவலங்கள், மருத்துவமனைகள் மட்டும் செயல்பட்டு வருகின்றன.

திரைத்துறை சார்ந்த அனைத்து விதமான தளங்களுக்கும் விடுமுறை அளிக்கப்பட்டுவிட்டது. மேலும் நடிகர்கள், நடிகைகள், மற்ற கலைஞர்களுக்கு ஷுட்டிங் இல்லாததால், அனைவரும் வீட்டிலேயே முடங்கியுள்ளனர். அப்படி ஒரு நாளில்தான் நயன்தாரா, விக்னேஷ் சிவன் இப்படி ஒரு வீடியோவை வெளியிட்டுள்ளனர்.