Thalapathy 64: இதுவும், அதுவும் ஒன்னு: அப்போ அதே கதை தானா? நம்மவர் ரீமேக்கில் தளபதி 64?

பிகில் படத்தைத் தொடர்ந்து விஜய் நடிப்பில் உருவாகி வரும் படம் தளபதி 64. இன்னும் டைட்டில் அறிவிக்கப்படாத இந்தப் படத்தை இயக்குநர் லோகேஷ் கனகராஜ் இயக்கி வருகிறார். இந்த நிலையில், தற்போது சமூக வலைதளங்களில் எல்லாம் கமல் ஹாசனின், நம்மவர் படத்தின் ரீமேக்கில் நடிக்கிறார் என்று ஒரே பேச்சு அடிபடுகிறது.

ஐயா முதல் பிகில் வரை: ஏன் நயன்தாரா இப்படி மாறினார்? ரசிகர்கள் கேள்வி!

அந்த படத்தில் கமல் ஹாசன் கல்லூரி பேராசிரியராக நடித்திருப்பார். கடந்த காலங்களில் ஒரு கேங்ஸ்டராக நடித்துள்ளார். அதே போன்றுதான் தற்போது தளபதி 64 படத்திலும் கல்லூரி பேராசிரியராகவும் நடித்து வருகிறார். மேலும், ஊழல் நிறைந்த கல்வி முறைக்கு எதிராக விஜய் குரல் கொடுக்கும் ஒரு கல்லூரி பேராசிரியர் என்று கூறப்படுகிறது.

விஜய், அஜித்தை எல்லாம் ஓவர்டேக் செய்த லேடி சூப்பர்ஸ்டார்!

மேலும், இயக்குநர் லோகேஷ் கனகராஜிடம், கமல் ஹாசனை சந்தித்து உரிமையை வாங்குமாறு விஜய் அறிவுறுத்தியுள்ளார். இதையடுத்து, கமல் ஹாசனின் ராஜ் கமல் பிலிம்ஸ் இண்டர்நேஷனல் நிறுவனத்தின் நம்மவர் கதை உரிமைக்கான ஒப்பந்தத்தில் லோகேஷ் கனகராஜ் கையெழுத்திட்டுள்ளதாக கூறப்படுகிறது.

Kamal 60: கமல் மக்களை ஏமாத்தமாட்டார், எனக்கு நம்பிக்கை இருக்கு: விஜய் சேதுபதி!

இதன் காரணமாக, விஜய், கமல் ஹாசனின் நம்மவர் படத்தின் ரீமேக்கில் நடிக்கிறார் என்று சமூக வலைதளங்களில் பலரும் பலவிதமாக கருத்து தெரிவித்து வருகின்றனர். இது ஒரு புறம் இருக்க, கமல் ஹாசனின் 60 ஆண்டுகால சினிமா பயணத்தை சிறப்பிக்கும் வகையில், நடந்த கமல் 60 என்ற உங்கள் நான் நிகழ்ச்சியில் சினிமா பிரபலங்கள் பலரும் கலந்து கொண்ட நிலையில், விஜய், அஜித் போன்ற மாஸ் நடிகர்கள் கலந்து கொள்ளவில்லை.

தற்போது டெல்லியில் நடந்து வரும் தளபதி 64 படத்தின் படப்பிடிப்பில் விஜய் பிஸியாக இருப்பதால், அவரால் கமலின் நிகழ்ச்சியில் கலந்து கொள்ளவில்லை. எனினும், அவருக்குப் பதிலாக விஜய்யின் அப்பா எஸ்.ஏ.சந்திரசேகர் கலந்து கொண்டுள்ளார் என்பது குறிப்பிடத்தக்கது.