விஜய்யை சந்தித்த யுவன் ஷங்கர் ராஜா: கொண்டாட்டத்தில் தளபதி ரசிகர்கள்!

'மாஸ்டர்' படத்தை தொடர்ந்து சன் பிக்சர்ஸ் தயாரிப்பில் நெல்சன் இயக்கத்தில் உருவாகி வரும் ’பீஸ்ட்’ படத்தில் நடித்து வந்தார் விஜய். இந்த படத்தின் முதல்கட்ட படப்பிடிப்பு கடந்த ஏப்ரல் மாதம் ஜார்ஜியாவில் துவங்கியது. அண்மையில் இந்தப்படத்தில் விஜய் சம்பந்தமான காட்சிகளின் படப்பிடிப்பு நிறைவடைந்ததாக அதிகாரப்பூர்வ அறிவிப்பை படக்குழுவினர் வெளியிட்டனர்..

கோலமாவு கோகிலா, டாக்டர் படங்களை தொடர்ந்து தற்போது விஜய் நடிப்பில் 'பீஸ்ட்' படத்தை இயக்கி வருகிறார் நெல்சன் திலீப்குமார். கடந்த ஜூலை 1 ஆம் தேதியில் இருந்து பீஸ்ட் படத்தின் இரண்டாம் கட்ட படப்பிடிப்பு துவங்கியது. 'பீஸ்ட்' படத்தில் விஜய்க்கு வில்லன்களாக மூன்று பேர் நடிக்க உள்ளதாக கூறப்படுகிறது. மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் இந்த படத்தில் விஜய்க்கு வில்லன்களாக நடித்து வருவகின்றனர்.

'பீஸ்ட்' படத்தை முடித்துவிட்டு தெலுங்கு இயக்குனர் வம்சி பைடிபல்லி, ஸ்ரீ வெங்கடேஸ்வரா கிரியேஷன்ஸ் தயாரிப்பில் விஜய்யின் 66-வது படம் உருவாக்கப்போவதாக அதிகாரப்பூர்வமான அறிவிப்பு வெளியானது. இந்த படத்தில் முக்கிய கதாபாத்திரத்தில் மகேஷ்பாபு மகள் மற்றும் பிரகாஷ்ராஜ் ஆகியோர் நடிக்க இருப்பதாகவும், அடுத்த ஆண்டு படபிடிப்பு தொடங்க இருப்பதாகவும் தகவல்கள் வெளியானது.

அந்த பெருமையை பெற்ற முதல் தமிழ் நடிகர்: பார்த்திபன் மகிழ்ச்சி!
இந்நிலையில் தற்போது விஜய்யும் இசையமைப்பாளர் யுவன் சங்கர் ராஜாவும் சந்தித்திருக்கிறார்கள். இதையடுத்து 'தளபதி 67' படத்தின் இயக்குனர் இன்னும் முடிவாகவில்லை என்றாலும், படத்தின் இசையமைப்பாளர் யுவன் ஷங்கர் ராஜாவாக இருக்கலாம் என்ற செய்திகள் கசிந்துள்ளன. இந்நிலையில் தனது சமூக வலைத்தள பக்கத்தில் விஜய்யுடன் எடுத்த புகைப்படத்தை பகிர்ந்துள்ள யுவன் ஷங்கர் ராஜா.


இந்த புகைப்படம் தற்போது இணையத்தில் வைரலாகி வருகிறது. யுவன் ஷங்கர் ராஜா 2003 ஆம் ஆண்டு வெளியான விஜய்யின் 'புதிய கீதை' படத்திற்கு இசையமைத்திருந்தார். இந்நிலையில் பல ஆண்டுகளுக்கு பிறகு விஜய்யும், யுவனும் இணைவது ரசிகர்கள் மத்தியில் எதிர்பார்ப்பை கிளப்பியுள்ளது.