Vijay antony : விரைவில் ‘பாலிடிக்ஸ்’ல் இறங்கவுள்ள நடிகர் விஜய் ஆண்டனி!

விஜய் ஆண்டனி நடிப்பில் கடைசியாக வெளியான படம் ‘திமிரு புடிச்சவன்’. இந்தப் படத்தில் விஜய் ஆண்டனிக்கு ஜோடியாக நடித்தவர் நிவேதா பெத்துராஜ். இந்தப் படம் கமர்ஷியல் ரீதியாக வெற்றிபெற்றது.

இந்த நிலையில் நடிகர்கள் விஜய், சூர்யாவை அடுத்து விஜய் ஆண்டனியும் அரசியல் படம் ஒன்றில் நடிக்கவுள்ளார். இந்தப் புதிய படத்திற்கு ‘பாலிடிக்ஸ்’ என்று தலைப்பு வைத்துள்ளனர். இந்தப் படத்தை அனந்தகிருஷ்ணன் இயக்கவுள்ளார். இவர் ஏற்கனவே கடந்த 2016ஆம் ஆண்டு சிரிஷ், பாபிசிம்ஹா நடிப்பில் வெளிவந்த ‘மெட்ரோ’. படத்தை இயக்கியவர் என்பது குறிப்பிடத்தக்கது. இந்தப் படத்தை டி.டி.ராஜா தயாரிக்கவுள்ளார்.

இந்த படம் குறித்த தகவலை விஜய் ஆண்டனி தனது டுவிட்டர் பக்கத்தில் பதிவு செய்து ‘பாலிடிக்ஸ்’ என்ற பெயரில் ஒரு போஸ்டரையும் பதிவு செய்துள்ளார். பாபு யோகேஸ்வரன் இயக்கத்தில் விஜய் ஆண்டனி நடித்து வரும் ‘தமிழரசன்’ என்ற படத்தின் படப்பிடிப்பு முடிந்த பின்னர் ‘பாலிடிக்ஸ்’ படப்பிடிப்பில் அவர் கலந்து கொள்வார் என எதிர்பார்க்கப்படுகிறது.