மோகன்லாலுக்கு ஜோடியாகும் பிச்சைக்காரன் பட நாயகி!

பிச்சைக்காரன் படத்தில் விஜய் ஆண்டனிக்கு ஜோடியாக நடித்த நடிகை சாட்னா டைட்டஸ்தற்போது மலையாள சூப்பர் ஸ்டார் மோகன்லாலுக்கு ஜோடியாக ஒரு படத்தில் நடிக்கவுள்ளார்.

சசி இயக்கத்தில் வெளியான ‘பிச்சைக்காரன் படத்தின் மூலம் தமிழ் சினிமாவில் அறிமுகமானவர் நடிகை சாட்னா டைட்டஸ். இந்தப் படத்தில் விஜய் ஆண்டனிக்கு ஜோடியாக நடித்தார். இந்தப் படம் தெலுங்கு மற்றும் தமிழ் என இரண்டு மொழிகளிலும் மிகப்பெரிய வெற்றி பெற்றது. இந்த படத்தில் அறிமுகமான சாட்னாவின் நடிப்பு ரசிகர்களை வெகுவாக கவர்ந்தது.

இந்த படத்தை தொடர்ந்து நடிகர் கலையரசன் நடித்த ‘எய்தவன் மற்றும் ‘திட்டம் போட்டு திருடுற கூட்டம் ஆகிய படங்களில் நடித்தார். பின்னர் இவர் தயாரிப்பாளர் ஒருவரை காதல் திருமணம் செய்து கொண்டார். சிறிது காலம் நடிப்புக்கு இடைவெளி விட்டிருந்தார்.

தற்போது மலையாள சூப்பர் ஸ்டார் மோகன்லால் நடிப்பில் உருவாக இருக்கும், ‘பிக் பிரதர் படத்தில் அவருக்கு ஜோடியாக சாட்னா டைட்டஸ் நடிக்கவுள்ளார்.இந்த படத்தை பிரபல இயக்குனர் சித்திக் இயக்குகிறார் என்பது குறிப்பிடத்தக்கது.