விஜய் என்னால்தான் இவ்வளவு பெரிய நடிகரானார்: பிரபல தியேட்டர் உரிமையாளர்!

விஜய் இன்று பெரிய நடிகராக இருப்பதற்கு நான் காரணம் என்று பிரபல தியேட்டர் உரிமையாளர் அபிராமி ராமநாதன் கூறியுள்ளார்.

தமிழ் சினிமாவில் விஜய் பாக்ஸ் ஆபிஸ் வசூல் மன்னன் என்பது அனைவருக்கும் தெரிந்த விஷயம். அவரின் படங்கள் பல தியேட்டர் உரிமையாளர்களை வாழ வைத்து வருகிறது.

நேற்று ‘ஆறாம் திணை’ படத்தின் விழா நடைபெற்றது. இதில் தியேட்டர் சங்க தலைவர் அபிராமி ராமநாதன் கலந்துகொண்டு பேசினார். அதில் சில தயாரிப்பாளர்கள் 10, 15 நாட்களில் படங்களை அமேசானுக்கு கொடுத்து விடுகிறார்கள். இதனால் திரையரங்க உரிமையாளர்கள் பாதிக்கப்படுகிறார்கள். தயவு செய்து உரிமையை ஒரு வருடம் கழித்து கொடுங்கள். தியேட்டர்கள் பொன் முட்டை இடும் வாத்து. தயாரிப்பாளர்கள் யாரும் இதை இழந்துவிடாதீர்கள்.

இன்று பிரபலமாக இருக்கும் விஜய் போன்ற நடிகர்களின் படங்கள் ஒரு காலத்தில் சிறு பட்ஜெட் படமாக தான் இருந்தது. நாங்கள் அதை தியேட்டரில் ஓட்டி வெற்றி படமாக்கினோம். அதனால் தான் இன்று பிரபல நடிகராக அவர் உள்ளார். இது மற்ற நடிகர்களுக்கும் பொருந்தும் என கூறினார்.