ரொமான்ஸ் டூ ஆக்‌ஷன்; ’டியர் காம்ரேட்’ஆக மாறிய நடிகர் விஜய்!

ஐதராபாத்: நடிகர் விஜய் ‘டியர் காம்ரேட்’ படத்தில் நடிக்கவுள்ளார்.

தெலுங்கில் வெளியான ‘அர்ஜூன் ரெட்டி’ படம் மூலம் ஹீரோவாக அறிமுகமானவர் விஜய் தேவரகொண்டா. இப்படம் மிகப்பெரிய வெற்றி அடைந்து, விஜய்க்கு சினிமா வாய்ப்புகளை வாரி வழங்கத் தொடங்கியது.

தமிழில் ‘நோட்டா’ படத்தில் நடித்து வருகிறார். நடிகை சாவித்திரியின் வாழ்க்கை வரலாற்றை சொல்லும் ‘நடிகையர் திலகம்’ படத்தில் முக்கிய வேடத்தில் நடித்துள்ளார்.

இந்நிலையில் தெலுங்கில் மீண்டும் ஒரு படவாய்ப்பு கிடைத்துள்ளது. ‘டியர் காம்ரேட்’(Dear Comrade) என்று பெயரிடப்பட்டுள்ள இப்படத்தை, பரத் கம்மா இயக்குகிறார்.

இது முழுவதுமான ஆக்‌ஷன் கதையாக உருவாக்கப்பட்டுள்ளது. இதில் ரஷ்மிகா மந்தனா ஹீரோயினாக நடிக்க ஒப்பந்தம் ஆகியுள்ளார். இப்படத்தை மைத்ரி மூவி மேக்கர்ஸ் தயாரிக்க உள்ளது.

வரும் ஜூன் மாதம் முதல் படப்பிடிப்பு தொடங்கவுள்ளது. நடிகர் விஜய் தேவர்கொண்டாவின் பிறந்தநாள் இன்று கொண்டாடப்படுகிறது.

இதையொட்டி ‘டியர் காம்ரேட்’ படத்தின் ஃபர்ஸ்ட் லுக் போஸ்டர் வெளியாகியுள்ளது.

Vijay Devarakonda turns Dear Comrade.