Vijay இனி உங்களை சும்மா விட மாட்டோம் விக்னேஷ் சிவன்: விஜய் ரசிகர்கள்

லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன், அர்ஜுன் தாஸ் உள்ளிட்டோர் நடித்துள்ள மாஸ்டர் படம் பொங்கல் பண்டிகை ஸ்பெஷலாக ஜனவரி மாதம் 13ம் தேதி வெளியாகிறது என்று நேற்று அதிகாரப்பூர்வமாக அறிவிக்கப்பட்டது.

ரிலீஸ் தேதியுடன் சேர்ந்து விஜய், விஜய் சேதுபதி மோதிக் கொண்ட போஸ்டர் வெளியாகி வைரலானது. மாஸ்டர் ரிலீஸ் குறித்த அறிவிப்பை பார்த்த விக்னேஷ் சிவன் ட்விட்டரில் கூறியதாவது,
பொங்கல் அன்று தீபாவளிக்கு தயாராகுவோம். மிகவும் எதிர்பார்க்கப்படும் படம். இது ரசிகர்களுக்கு சிறந்த அனுபவமாக இருக்கும் என்று நம்புகிறேன். சினிமா மற்றும் தியேட்டர்கள் பழையபடி மாற வேண்டும் என்று விரும்புகிறேன். டியர் கொரோனா- அடிச்சது போதும்டா க்விட் பண்ணுடா என்று தெரிவித்துள்ளார்.

விக்னேஷ் சிவனின் ட்வீட்டை பார்த்த விஜய் ரசிகர்கள் கூறியிருப்பதாவது,

நன்றி விக்னேஷ் சிவன். பாட்டாவே பாடிவிட்டீர்களே. மாஸ்டர் படத்தை பார்க்க மரண வெயிட்டிங். லோகேஷ் கனகராஜின் நண்பர் என்பதால் மாஸ்டருக்கு ரத்னகுமாரிடம் அப்டேட் கேட்டோம். நெல்சன் திலீப்குமார் உங்களின் நண்பர் என்பதால் தளபதி 65 அப்டேட் கொடுங்கள் என்று உங்களிடம் கேட்போம். இனி சும்மா விட மாட்டோம் என்று தெரிவித்துள்ளனர்.

தளபதி 65 படத்தை நயன்தாராவை வைத்து கோலமாவு கோகிலா படத்தை இயக்கிய நெல்சன் திலீப் குமார் இயக்குகிறார். அந்த படத்திற்கு நெல்சனின் நெருங்கிய நண்பரான அனிருத் இசையமைக்கிறார். தளபதி 65 படத்தில் விஜய்க்கு ஜோடியாக பூஜா ஹெக்டேவை நடிக்க வைக்க பேச்சுவார்த்தை நடந்து வருவதாக கூறப்படுகிறது.

வயித்தெரிச்சல கெளப்பாதய்யா: நயன்தாராவால் விக்கியை சபிக்கும் ரசிகர்கள்

விக்னேஷ் சிவன் தன் காதலி நயன்தாரா, விஜய் சேதுபதி, சமந்தா உள்ளிட்டோரை வைத்து காத்து வாக்குல ரெண்டு காதல் படத்தை இயக்கி வருகிறார். அண்மையில் தான் ஹைதராபாத்தில் படப்பிடிப்பை துவங்கினார். கிறிஸ்துமஸ் பண்டிகையை கொண்டாட நயன்தாராவுடன் ஊர் திரும்பிவிட்டார் விக்னேஷ் சிவன். நயனும், விக்னேஷ் சிவனும் சிங்கப்பூரில் கிறிஸ்துமஸ் பண்டிகையை கொண்டாடனர்.