இன்று முக்கியமான நாள்.. கொண்டாட்டத்தில் விஜய் ரசிகர்கள்

நடிகர் விஜய்க்கு தமிழ்நாடு மட்டுமின்றி கேரளா உள்ளிட்ட மாநிலங்களிலும் அதிக அளவில் ரசிகர்கள் இருக்கிறார்கள். ஏன் உலகம் முழுவதும் பல நாடுகளில் விஜய்க்கு ரசிகர்கள் உண்டு. அவரது படங்கள் ரிலீஸ் அனால் அதை திருவிழா போல கொண்டாடும் ரசிகர்களும் அதிகம் உண்டு.

இன்று தமிழ்ப் கொண்டாட்டம் புத்தாண்டு கொண்டாட்டம் ஒரு புறம் இருக்க விஜய் ரசிகர்கள் மட்டும் இணையத்தில் வேறொரு விஷயத்திற்காக கொண்டாடிக் கொண்டிருக்கின்றனர். 2016ல் இதே நாளில் தான் விஜயின் தெறி படம் ரிலீஸ் ஆனது. அது வந்து இன்றோடு 4 வருடங்கள் ஆவதை தான் விஜய் ரசிகர்கள் கொண்டாடுகின்றனர்.


மாஸ்டர் படம் ரிலீஸ் ஆகாததால் வருத்தத்தில் இருக்கும் விஜய் ரசிகர்கள் தெறி படத்தை முதல் நாள் முதல் காட்சி பார்த்த அனுபவங்களை பகிர்ந்து வருகின்றனர். அப்போது எடுக்கப்பட்ட போட்டோக்கள் மற்றும் வீடியோக்களையும் அவர்கள் அதிகம் பகிர்ந்து வருகின்றனர்.


அட்லீ இயக்கியிருந்த இந்த படத்தில் விஜய் ஜோசப் குருவில்லா, விஜய் குமார் என இரண்டு விதமான கெட்டப்களில் நடித்திருப்பார். ஜீ.வி.பிரகாஷின் இசையும் அதிகம் பேசப்பட்டது. அது பற்றி சமீபத்தில் ட்விட்டரில் பதிவிட்டுள்ள ஜீவி தெறி ஆல்பம் 275 மில்லியன் பார்வைகளை பெற்றிருப்பது பற்றி நெகிழ்ச்சியாக பதிவிட்டுள்ளார். இந்த படம் இசையமைப்பாளராக ஜீவியின் 50வது படம் என்பது குறிப்பிடத்தக்கது.