Varisu: 'வாரிசு' பார்க்க அஜித் ரசிகர்களை அழைத்த விஜய் ரசிகர்கள்: அதுவும் எப்படி தெரியுமா.?

பொங்கல் வெளியீடாக அஜித்தின் துணிவு, விஜய்யின் வாரிசு படங்கள் ரிலீசாகிறது. இந்த இரண்டு படங்களும் நேருக்கு நேர் மோதவுள்ளது. இதனால் இந்தப்படங்களின் வெளியீட்டை திருவிழா போல் கொண்டாட திட்டமிட்டுள்ளனர் விஜய், அஜித் ரசிகர்கள். எப்படியாவது தங்களின் ஆஸ்தான ஹீரோவின் படம் வசூலில் முதலிடம் பிடித்து விட வேண்டும் என இரண்டு தரப்பு ரசிகர்களும் எதிர்பார்த்து காத்திருக்கின்றனர்..

'பீஸ்ட்' பட ரிலீசுக்கு பின் வம்சி பைடிபல்லி இயக்கத்தில் ‘வாரிசு’ படத்தில் நடித்துள்ளார் விஜய். இந்தப்படத்தினை தில் ராஜுவின் ஸ்ரீ வெங்கடேஸ்வரா கிரியேஷன்ஸ் நிறுவனம் தயாரித்துள்ளது. விஜய் ஜோடியாக ராஷ்மிகா நடித்துள்ள இந்தப்படத்தில் சரத்குமார், பிரபு, ஷாம், ஸ்ரீகாந்த், பிரகாஷ் ராஜ் உள்ளிட்ட பல முன்னணி நட்சத்திரங்கள் விஜய்யுடன் இணைந்து நடித்துள்ளனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

எச். வினோத் இயக்கத்தில் அஜித் நடிக்கும் 'துணிவு' படமும் பொங்கல் வெளியீடாக ரிலீஸாகவுள்ளது. நேர்கொண்ட பார்வை, வலிமை படங்களை தொடர்ந்து மூன்றாவது முறையாக எச். வினோத், அஜித், போனி கபூர் கூட்டணி துணிவில் இணைந்துள்ளது. ஜிப்ரான் இசையமைக்கும் இந்தப்படத்தில் மஞ்சு வாரியர், சமுத்திரக்கனி, வீரா, ஜான் கொக்கன் உள்ளிட்டோர் முக்கிய கதாபாத்திரத்தில் நடித்துள்ளனர்.

வாரிசு மற்றும் துணிவு இரண்டு படங்களின் டிரெய்லரும் வெளியாகி இணையத்தை கலக்கி வருகிறது. இந்த இரண்டு படங்களும் ஒருநாள் முன் பின்னாக வெளியாகும் என எதிர்பார்க்கப்பட்ட நிலையில் வாரிசு, துணிவு இரண்டு படங்களுமே ஜனவரி 11 ஆம் தேதி ஒரே நாளில் வெளியாகவுள்ளது. இதனால் ரசிகர்கள் உச்சக்கட்ட எதிர்பார்ப்பில் உள்ளனர்.

'வாரிசு' படப்பிடிப்பை முடித்ததும் மருத்துவமனையில் அட்மிட் ஆன விஜய்: வெளியான அதிர்ச்சி தகவல்.!

தமிழ்த் திரையுலகின் உச்ச நட்சத்திரங்களாகத் திகழும் விஜய் மற்றும் அஜித்தின் படங்கள் 9 வருடங்கள் கழித்து ஒரே தேதியில் வெளியாகவுள்ளது. யார் நம்பர் ஒன். சூப்பர் ஸ்டார் யார் என்ற விவாதங்களுடன் இரண்டு படங்களும் வெளியாகயிருக்கிறது. இதனால் யார் படம் வசூலில் முந்தும் என்பதை அறிய ரசிகர்கள் மட்டுமில்லாமல் கோலிவுட் வட்டராமே எதிர்நோக்கி காத்திருக்கிறது.

Varisu: 'வாரிசு' படத்தில் நடிக்க யார் யாருக்கு எவ்வளவு சம்பளம்: விஜய்க்கு மட்டும் இவ்வளவா.!

இந்நிலையில் பட்டுக்கோட்டையில் உள்ள விஜய் ரசிகர்கள் அஜித் ரசிகர்களின் வீடுகளுக்கு சென்று வாரிசு படத்தைப் பார்க்குமாறு வெற்றிலை, பாக்கு மற்றும் பழங்கள் வைத்து அழைப்பு கொடுத்துள்ளனர். இந்த சம்பவம் சோஷியல் மீடியாவில் கவனம் ஈர்த்து வருகிறது. 'துணிவு' படம் இன்று நள்ளிரவு 1 மணிக்கும், 'வாரிசு' நாளை அதிகாலை நான்கு மணிக்கும் வெளியாகவுள்ளது குறிப்பிடத்தக்கது.