விஜய் சூப்பர்ஸ்டார் - நடிகை நிதி அகர்வால்! அஜித் பற்றி என்ன கூறியுள்ளார் பாருங்க

தமிழ் சினிமாவில் முன்னணி நட்சத்திரங்களாக இருப்பவர்கள் விஜய் மற்றும் அஜித். அவர்களுடன் ஒரு படத்திலாவது நடிக்க வேண்டும் என்கிற ஆசை அனைத்து நடிகைகளுக்கும் இருக்கும். அது பற்றி பலரும் வெளிப்படையாக பேட்டிகளில் பேசுவதை நாம் பார்த்திருக்கிறோம்.

இந்நிலையில் பிரபல தெலுங்கு நடிகை நிதி அகர்வால் ட்விட்டரில் விஜய் மற்றும் அஜித் பற்றி பேசியுள்ளார். நேற்று ரசிகர்களுடன் ட்விட்டரில் உரையாடிய அவரிதாம் விஜய் பற்றி என்ன நினைக்கிறீர்கள் என ரசிகர் ஒருவர் கேட்டார். அதற்கு பதில் கூறிய அவர் "விஜய்யை பார்த்து வியக்கிறேன், அவர் ஒரு சூப்பர்ஸ்டார்" என கூறியுள்ளார்.


மேலும் மற்றொரு ட்விட்டில் 'தோல்வியை எப்படி சமாளிக்கிறீர்கள்?' என கேட்கப்பட்ட கேள்விக்கு பதில் அளித்த அவர் "Kill them with success and bury them with a smile" என கூறியுள்ளார். இது மாஸ்டர் இசை வெளியீட்டு விழாவில் விஜய் கூறியது என்பது குறிப்பிடத்தக்கது.


அதன்பிறகு அஜித் பற்றி ஒரு வார்த்தை சொல்லுங்க என மற்றொரு ரசிகர் கேட்டார். அதற்கு பதில் கூறிய அவர் "இந்த சமயத்தில் மிகப்பெரிய தொகையை நாட்டுக்காக நன்கொடையாக அளித்தததற்கு நன்றி. அவர் மீது பெரிய மரியாதை வந்திருக்கிறது" என கூறியுள்ளார்.



மேலும் தெலுங்கு சினிமாவில் வளர்ந்து வரும் நடிகையாக இவர் போட்டியாக யாரை நினைக்கிறார் என கேட்டதற்கு "தெலுங்கு சினிமாவில் பல திறமையான நடிகர்கள் இருக்கிறார்கள். ஆனால் போட்டி என்றால் எனக்கு நானே தான் போட்டி. ஒவ்வொருவருக்கும் ஒவ்வொரு குறிக்கோள் மற்றும் பாதை இருக்கிறது" என தெரிவித்தார்.