விஜய் சூப்பர் நடிகர் அல்ல; வெறும் நட்சத்திர அந்தஸ்து மட்டும் தான் - நடிகர் சித்திக் சர்ச்சை பேச்சு!

மலையாள திரையுலகில் 300 படங்களுக்கும் மேல் நடித்து புகழ் பெற்றவர் நடிகர் சித்திக். இவர் தமிழ்ப் படங்களிலும் நடித்துள்ளார். குணசித்திர, வில்லன் உள்ளிட்ட பல்வேறு கதாபாத்திரங்களில் நடித்து வருகிறார்.

சமீபத்தில் இணையதளம் ஒன்றிற்கு பேட்டியளித்த அவர், அனைத்து சினிமா துறைகளும் சூப்பர் ஸ்டார்களை நம்பியே உள்ளது. மலையாள சினிமாத் துறைக்கு மம்முட்டி, மோகன்லால் என இரு பெரிய நட்சத்திரங்கள் இருப்பது அதிர்ஷ்டமே.

இவர்கள் சூப்பர் ஸ்டார். மிகச்சிறந்த நடிகர்கள். தமிழ் சினிமாவில் நிலை வேறு. விஜய் போன்றவர்கள் சூப்பர் ஸ்டாராக இருக்கலாம். ஆனால் அவர் சிறந்த நடிகர் அல்ல. நட்சத்திர அந்தஸ்து தான், சினிமா துறையில் அவர் உயரக் காரணம்.

ஆனால் கமல் ஹாசன் அப்படியில்லை. சூப்பர் ஸ்டார் மற்றும் சிறந்த நடிகர் என்று கூறியுள்ளார். சித்திக்கின் கருத்து பெரும் சர்ச்சையை ஏற்படுத்தியுள்ளது. இதற்கு நடிகர் ஹரீஷ் பேரடி தனது பேஸ்புக் பக்கத்தில் பதிலளித்துள்ளார்.

அதாவது, விஜய் சிறந்த நடிகர் மற்றும் சூப்பர் ஸ்டார். மற்ற ஸ்டார்களைப் போல் அல்லாமல், அடக்கமானவர். நல்லவர் என்று குறிப்பிட்டுள்ளார்.