Sarkar Issue: விஜய் ஒரு சமூக விரோதி: கழுவி ஊத்திய பிரபல எழுத்தாளர்

விஜய் நடிப்பில் உருவான சர்கார் படம் பல சர்ச்சைகளை தாண்டி ஓடிக் கொண்டிருக்கும் நிலையில், விஜய் ஒரு சமூக விரோதி என பிரபல எழுத்தாளர் சாரு நிவேதிதா தெரிவித்துள்ளார்.

முருகதாஸ் இயக்கத்தில் விஜய் நடிப்பில் உருவாகி இருந்த படம் ‘சர்கார்’. இந்த படம் பல விமர்சனங்களை தாண்டி வசூலை குவித்துக் கொண்டிருக்கின்றது.

விஜய் சமூக விரோதி :
விஜய் சமூக விரோதி என பிரபல எழுத்தாளர் சாரு நிவேதிதா தெரிவித்துள்ளார்.
அவர் பேசுகையில், “முன்பு படத்தில் வில்லன்கள் தான் ரவுடி, சமூக விரோதி என கூறிக் கொள்வார்கள், ஆனால் இந்த படத்தில் ஹீரோ விஜய் தன்னை கார்பரேட் கிரிமினல் என கூறிக் கொள்கிறார். கார்பரேட் முதலாளிகள் எல்லாம் கிரிமினல்கள் என்பது வேறு கதை.


பல கோடி ரூபாய் சம்பளத்தை வாங்கிக் கொண்டு நடிக்கும் விஜய், அதை இயக்கிய முருகதாஸ் இலவசம் வேண்டாம் என பெனாத்துவது சமூக விரோதிகளுக்கு சமம்” என காட்டமாக பேசியுள்ளார்.

அஜித் அப்படி இல்லை :
சாரு நிவேதிதா தனது முக நூலில், “அஜித், துப்பாக்கி மாதிரி ஜாலியான பொழுதுபோக்குப் படங்களைத் தேர்ந்தெடுத்து நடிக்காமல் படு சாதாரணமான விவேகம் மாதிரி படங்களில் நடித்தாலும் அவர் மிகச் சிறந்த ஒரு மனிதர். மக்களின் ஏழ்மையைப் பயன்படுத்தி அரசியலுக்கு வந்து முதல்மந்திரி ஆகி விடலாம் என்ற விஷக் கொடுக்கு அவரிடம் இல்லை. சினிமா ஹீரோ என்றால் படத்தில் நடிப்பதோடு சரி- ஒரு டாக்டர் மாதிரி ஒரு எஞ்சினியர் மாதிரி அது ஒரு வேலை என்று சொல்பவர். அவரிடமிருந்து மற்ற நடிகர்கள் இந்தப் பண்பைக் கற்றுக் கொள்ள வேண்டும்.” என தெரிவித்துள்ளார்.

அதோடு அவர் வெளியிட்டுள்ள ஒரு வீடியோவில் அரசியல் பற்றி தெரியாதவர்களும், மக்களின் கஷ்டத்தை புரிந்து கொள்ளாதவர்கள் எளிதாக நடித்து விட்டு முதல்வர் பதவி வேண்டும் என கேட்கின்றனர் கடுமையாக விமர்சித்துள்ளார்.