‘மெர்சல்’ ஆடியோ விழாவில் ‘தல’ க்கு கிடைத்த கைதட்டல்!

‘மெர்சல்’ பட ஆடியோ விழாவில் நடிகர் தல அஜீத் பெயரை சொன்னதும் கைதட்டல் அடங்க வெகு நேரமானது.

அட்லி இயக்கத்தில் இளையதளபதி விஜய் நடித்துள்ள படம் ‘மெர்சல்’. இந்தப் படத்தின் ஆடியோ விழா நேற்று வெகுசிறப்பாக நடைபெற்றது. இந்த விழாவில் பேசிய ஒருவர் விஜய் நடித்த படங்கள் குறித்தும் அவை வெளியான தேதி வருடம் குறித்தும் கூறிக்கொண்டே வந்தார்.

இந்த நிலையில் நடிகர் விஜய், தல அஜீத்துடன் நடித்த படம் ‘ராஜாவின் பார்வையிலே’ என்று கூறியதும் அரங்கமே சில வினாடிகளில் கைதட்டலால் அதிர்ந்தது. விஜய்க்காகவே மட்டுமே நடைபெறும் ஒரு விழாவில் கூட தல அஜீத் பெயருக்கு கிடைத்த கைதட்டல் அனைவரையும் ஆச்சரியப்பட வைத்தது.