அஜீத்தைப் போல் ஈகோ பார்க்காத நடிகர் விஜய் சேதுபதி!

நடிகர் அஜீத்தைப்போல் உடன் பணியாற்றுபவர்களுடன் தரம் பார்க்காமல் பழகக்கூடியவர் நடிகர் விஜய் சேதுபதி.

படப்பிடிப்பு சமயங்களில் ஓய்வு நேரங்களில் நடிகர் - நடிகைகள் கேரவனுக்குள் அமர்ந்து பேசிக் கொண்டிருப்பது வழக்கம். சிலர் தங்களுக்கு தெரிந்த விளையாட்டுகளை விளையாடுவர். சிலர் உலக சினிமாவைப் பற்றி பேசுவர். இன்னும் சிலர் வீடியோ கேம் விளையாடுவார்கள். கிராமப்புறங்களுக்குப் சென்றால் ஊர் பசங்ககூட கிரிக்கெட் கூட விளையாடுவார்கள். இப்படித்தான் படப்பிடிப்பு தளங்களில் நடிகர் நடிகைகளை ஓய்வு நேரங்களில் ஜாலியாக கழிப்பதுண்டு.

ஆனால், ஹீரோக்களைப்பொறுத்தவரை ஹீரோயினிகளுடன்தான் ஜாஸ்தியாக பேசிக்கொண்டிருப்பார்கள், இதில் விஜயசேதுபதி வித்தியாசமானவராக இருக்கிறார். ஹீரோயினிகளே பேச அழைத்தாலும் அவர் காதில் வாங்கிக் கொள்வதில்லையாம். படப்பிடிப்பில் தன்னுடன் பணியாற்றும் டெக்னீசியன்களுடன் சிரித்துப் பேசி வருகிறாராம்.

இதனால் விஜய சேதுபதி நடிக்கும் படப்பிடிப்பு தளங்களில் உள்ள டெக்னீசியன்கள், மற்றும் பணியாளர்களிடம் தரம் பார்க்காமல் ரொம்ப ஜாலியாக பழகி வருகிறாராம். தான் ஒரு பெரிய ஹீரோ என்கிற பந்தா அவரிடம் ஒரு துளியும் இல்லை. கீழ்மட்டம் முதல் மேல்மட்டம் வரை உள்ள அனைவரையும் அவர் சமமாகவே பார்க்கிறார் என்கிறார்கள்.