Sindhubaadh Movie: மகனை திருடனாக அறிமுகப்படுத்திய விஜய் சேதுபதி!

அருண் குமார் இயக்கத்தில் உருவாகி வரும் சிந்துபாத் படத்தின் மூலம் தனது மகன் சூர்யாவை விஜய் சேதுபதி திருடனாக அறிமுகப்படுத்தியுள்ளார்.

இயக்குனர் எஸ்.யு.அருண் குமார் இயக்கத்தில் எஸ்.என்.நடராஜன் தயாரிப்பில் விஜய் சேதுபதி, அஞ்சலி ஆகியோர் பலர் நடிப்பில் உருவாகி வரும் படம் சிந்துபாத். இப்படத்தில் தனது மகன் சூர்யாவை விஜய் சேதுபதி அறிமுகம் செய்துள்ளார். மேலும், இருவரும் இப்படத்தில் திருடர்களாக நடித்துள்ளனர் என்பது குறிப்பிடத்தக்கது.

வாசன் மூவிஸ் மற்றும் கே புரோடக்சன்ஸ் நிறுவனம் இணைந்து தயாரிக்கும் இப்படத்திற்கு யுவன் சங்கர் ராஜா இப்படத்திற்கு இசையமைத்துள்ளார். இப்படத்தின் ஃபர்ஸ்ட் லுக் போஸ்டர் விஜய் சேதுபதியின் பிறந்தநாளன்று வெளியானது. இதையடுத்து தற்போது இப்படத்தின் டீசர் வெளியாகி வைரலாகியுள்ளது.

இந்த டீசரில் சூர்யா விஜய் சேதுபதியின் கழுத்தில் அமர்ந்து கொண்டு ஏதோ ஒரு பாடலுக்கு இருவரும் நடனம் ஆடும் விதமாக இந்த டீசர் அமைந்துள்ளது. மேலும், இந்த டீசரில் எல்லோரது வாழ்க்கையிலும் பிரச்சனை வருவது சகஜம் தான். ஆனால், அந்த பிரச்சனையைக் கண்டு ஓடாமல், அந்த பிரச்சனையை ஓட விடுவது தான் சிறந்தது என்று வசனம் கூறுவது போன்று காட்சி அமைந்துள்ளது.

தாய்லாந்து மற்றும் மலேசியா ஆகிய பகுதிகளில் இப்படத்தின் படப்பிடிப்பு நடந்துள்ளது. இதற்கு முன்னதாக விஜய் சேதுபதியின் நடிப்பில் பேட்ட படம் வெளியானது. அதே போன்று அஞ்சலி நடிப்பில் பேரன்பு படம் வெளியானது. இதையடுத்து, இருவரது நடிப்பில் உருவாகியுள்ள சிந்துபாத் படம் திரைக்கு வரவுள்ளது என்பது குறிப்பிடத்தக்கது. இதற்கிடையில், சேதுபதி படத்தின் 2ம் பாகம் உருவாகும் என்று கூறப்படுகிறது.