மலையாளத்தில் விஜய் சேதுபதிக்கு பிடித்த இயக்குனர்கள்!

மலையாள இயக்குனர்கள் பரதன், கமல், சத்யன் அந்திக்காடு ஆகியோரின் படங்களை அதிகமாக விரும்பிப் பார்ப்பேன் என்று நடிகர் சேதுபதி ஒரு பேட்டியில் கூறியுள்ளார்.

மலையாள சினிமாவில் ஒரு சில இயக்குனர்கள் உணர்வுப்பூர்வமான படங்களை இயக்குவதில் சிறந்தவர்கள். அவர்கள் மலையாளம் மட்டுமல்ல, தமிழிலும் பிரபலமாக வலம் வரும் தற்போதைய நடிகைகள்கூட அவர்களது கண்டுபிடிப்பாகத்தான் இருக்கும். அப்படிப்பட்ட இயக்குனர்களில் மிகவும் முக்கியமானவர் சத்யன் அந்திக்காடு.

சமீபத்தில் நடிகர் விஜய்சேதுபதி மலையாள சேனல் ஒன்றுக்கு பேட்டியளித்தார். அப்போது அந்த பேட்டியில் ‘‘நான் படங்களில் சின்னசின்ன கேரக்டர்களில் நடித்து வளர்ந்து வரும் சமயத்தில் மலையாளப் படங்களை தவறாமல் பார்ப்பதை வழக்கமாக வைத்திருந்ததாக கூறியுள்ளார். குறிப்பாக, இயக்குனர்கள் பரதன், கமல், சத்யன் அந்திக்காடு ஆகியோரின் படங்களை அதிகமுறை விரும்பிப் பார்ப்பேன் என்றார். மேலும் இயக்குனர் சத்யன் அந்திக்காடு இயக்கிய ‘வீண்டும் சில விசேஷ காரியங்கள்’, ‘பாக்யதேவதா’ ஆகிய படங்கள் எனக்கு மிகவும் பிடித்தமானவை என்றும் கூறியுள்ளார் விஜய்சேதுபதி.