பிச்சைக்காரன் இயக்குனரின் அடுத்த படம்! விஜய் சேதுபதி உடன் கூட்டணி?

விஜய் ஆண்டனி நடித்த பிச்சைக்காரன் படம் மிகப்பெரிய ஹிட் ஆனது. அதற்கு முன்பு அதிகம் பாராட்டப்பட்ட 'பூ' உட்பட பல படங்களை அவர்இயக்கியுள்ளார். 1998ல் வெளிவந்த சொல்லாமலே படத்தின் மூலமாக இயக்குனராக அறிமுகம் ஆனவர் அவர். அதற்கு பிறகு ரோஜா கூட்டம், டிஷ்யூம், பூ, ஐந்து ஐந்து ஐந்து ஆகிய படங்களை இயக்கினார்.

பிச்சைக்காரன் படம் விமர்சன ரீதியாகவும் வசூல் ரீதியாகவும் நல்ல வரவேற்பை பெற்றது. அதனை தொடர்ந்து சசி இயக்கிய சிவப்பு மஞ்சள் பச்சை படத்திற்கும் நல்ல விமர்சனங்கள் கிடைத்தது. சித்தார்த் மற்றும் ஜி.வி. பிரகாஷ் ஆகியோர் அதில் நடித்து இருந்தனர்.

சசி எப்போதும் ஒரு படம் முடித்தபிறகு இடைவெளி எடுத்து ஸ்கிரிப்ட் தயார் செய்து அதன்பிறகு புது படத்தை துவங்குபவர். அப்படி அவர் சிவப்பு மஞ்சள் பச்சைக்கு பிறகு ஹரிஷ் கல்யாண் படிப்பில் ஒரு படத்தினை இயக்க உள்ளார் என சென்ற வருடமே அறிவிப்பு வந்தது. அந்த படத்தின் பணிகள் தற்போது கொரோன லாக் டவுன் காரணமாக பாதிக்கப்பட்டு உள்ளது. ஹரிஷ் கல்யாணின் இஸ்பேட் ராஜாவும் இதய ராணியின் படத்தை தயாரித்த மாதவ் மீடியா நிறுவனம் தான் இந்த படத்தையும் தயாரித்து வருகிறது.

இந்நிலையில் சசி அடுத்து விஜய் சேதுபதியை வைத்து ஒரு புதிய படம் இயக்க உள்ளார் ஏன தகவல் வெளியாகியுள்ளது. தற்போது ஒரு புது ஸ்கிரிப்ட் தயாராக வைத்திருக்கும் அவர், அதில் விஜய் சேதுபதி அல்லது சிவகார்த்திகேயனை நடிக்க வைக்க முடிவெடுத்து உள்ளாராம்.

தற்போது ஹரிஷ் கல்யாணை வைத்து சசி இயக்கிவரும் படம் முடிந்தபிறகு தான் இந்த படத்தின் ஷூட்டிங் துவங்கும்.

விஜய் சேதுபதி மற்றும் சிவகார்த்திகேயன் இருவரும் தமிழ் சினிமாவில் பிஸியான நடிகர்கள். விஜய் சேதுபதி தான் தமிழ் சினிமாவில் படு பிஸியான நடிகர். கிட்டத்தட்ட பத்துக்கும் மேற்பட்ட படங்களில் ஒரே நேரத்தில் நடித்து வருகிறார். மாஸ்டர் படத்தில் விஜய்க்கு வில்லனாக நடித்து உள்ள விஜய் சேதுபதி அதன் ரிலீசுக்காக காத்திருக்கிறார். மேலும் கடைசி விவசாயி, க/பெ ரணசிங்கம், உப்பேனா போன்ற படங்களில் நடித்து முடித்துவிட்டார், அவை ரிலீசுக்கு தயாராக உள்ளன.

அடுத்து தெலுங்கில் புஷ்பா என்ற படத்தில் அவர் நடிக்கிறார். அதில் அவர் நெகடிவ் வேடத்தில் நடிக்கிறார். அது மட்டுமின்றி ஹிந்தியில் அமீர் கானின் லால் சிங் சத்தா என்ற படத்திலும் ஒரு முக்கிய கதாபாத்திரத்தில் விஜய் சேதுபதி நடிக்கிறார்.

மறுபுறம் சிவகார்த்திகேயனும் டாக்டர், அயலான் ஆகிய படங்களை கைவசம் வைத்துள்ளார்.

விஜய் சேதுபதி, சிவகார்த்திகேயன் - இருவரில் சசி படத்தில் நடிக்கப்போவது யார் என்பதை பொறுத்திருந்து தான் பார்க்க வேண்டும்.