‘ஒரு நல்ல நாள் பார்த்து சொல்றேன்’ புதிய படத்தில் விஜய்சேதுபதி

‘ஒரு நல்ல நாள் பார்த்து சொல்றேன்’ என்ற புதிய படத்தில் விஜய்சேதுபதி நடிக்கவுள்ளார்.

தற்போதைய தேதியில் இரண்டு ஹீரோக்களின் கைவசம்தான் அதிக படங்கள் உள்ளன. அவர்களின் பேங்க் பேலன்சும் உயர்ந்துள்ளன. ஒருவர் ஜி.வி.பிரகாஷ்குமார்.இன்னொருவர் விஜய்சேதுபதி. ஒருகாலத்தில் நம்பர் ஒன் ஹீரோவாக இருந்த ராமராஜன் கைவசம் 40 படங்கள் இருந்தன என்பது வரலாறு. போகிற போக்கைப் பார்த்தால் ராமராஜனின் சாதனையை விஜய்சேதுபதி முறியடித்து விடுவார் போலிருக்கிறது.

லேட்டஸ்டாக ஒரு புதிய படத்தில் நடிக்க ஒப்பந்தமாகி இருக்கிறார் விஜய்சேதுபதி. அறிமுக இயக்குனர் ஆறுமுக குமார் இயக்கும் புதிய படத்தில் கௌதம் கார்த்திக்குடன் இணைந்து நடிக்கவிருக்கிறார். இந்த படத்திற்கு ‘ஒரு நல்ல நாள் பார்த்து சொல்றேன்’ என்று வித்தியாசமாக டைட்டில் வைத்திருக்கிறார்கள். ‘காமெடி கலந்த வசனங்களுக்கு அதிக முக்கியத்துவம் கொடுத்து எடுக்கப்படும் படம் இது என்பதால் இப்படி வித்தியாசமான தலைப்பை வைத்திருக்கிறேன்’ என்று கூறுகிறார் இப்படத்தின் இயக்குனர் ஆறுமுக குமார். இப்படத்தின் நாயகியாக நிகரிகா என்ற ஆந்திரா அழகி நடிக்கிறார். இவர் நடிகர் சிரஞ்சீவியின் நெருங்கிய உறவினராம்.