Super Deluxe Day 1 Collections: ஐராவை ஓரங்கட்டிய சூப்பர் டீலக்ஸ்: சென்னையில் மட்டும் ரூ.43 லட்சம் வசூல்!

விஜய் சேதுபதி நடிப்பில் நேற்று உலகம் முழுவதும் வெளியாகியுள்ள சூப்பர் டீலக்ஸ் படம் முதல் நாளில் மட்டும் சென்னையில் ரூ.43 லட்சம் வரையில் வசூல் செய்துள்ளது.

தேசிய விருது இயக்குனர் ஆரண்ய காண்டம் புகழ் தியாகராஜா குமாரராஜா இயக்கத்தில் விஜய் சேதுபதி, சமந்தா, ரம்யா கிருஷ்ணன், காயத்ரி, மிஷ்கின் ஆகியோர் பலர் நடிப்பில் நேற்று உலகம் முழுவதும் வெளியாகியுள்ள படம் சூப்பர் டீலக்ஸ். முதல் முதலாக திருநங்கையாக நடித்துள்ள விஜய் சேதுபதியின் கதாபாத்திரம் பலராலும் பாராட்டைப் பெற்று வருகிறது. இவ்வளவு ஏன், சினிமா பிரபலங்கள் பலரும் ஷில்பா கதாபாத்திரத்தை வெகுவாக பாராட்டி வருகின்றனர்.



இந்தாண்டில், வெளியான பேட்ட மற்றும் விஸ்வாசம் ஆகிய ஹிட் படங்களின் வரிசையில், விஜய் சேதுபதியின் சூப்பர் டீலக்ஸ் சாதனை படமாக அமைந்துள்ளது. முதல் நாள் பாக்ஸ் ஆபிஸில் சென்னையில் மட்டும் ரூ.43 லட்சம் வசூல் செய்துள்ளது. இதே போன்று அமெரிக்க பாக்ஸ் ஆபிஸில், 69,44,000 (1,00,000 டாலர்) வசூல் செய்துள்ளது. திருச்சியில் ரூ.11 லட்சம் வரையில் வசூல் செய்துள்ளது என்பது குறிப்பிடத்தக்கது.


இந்தாண்டில் இதுவரை வெளியான படங்களில் பேட்ட மற்றும் விஸ்வாசம் ஆகிய படங்களைப் போன்று 3ஆவது சிறந்த படமாக விஜய் சேதுபதியின் சூப்பர் டீலக்ஸ் அமைந்துள்ளது என்பது குறிப்பிடத்தக்கது.