‘பேய்பசி’யில் ஒரு பாடலை பாடிய விஜய் சேதுபதி!

நடிகர் விஜய் சேதுபதி, ‘பேய்பசி’ என்ற படத்தில் ஒரு பாடலை பாடியுள்ளார்.

தமிழ் சினிமாவில் துணை நடிகராக அறிமுகமாகி, தற்போது முன்னணி நடிகராக வலம் வருபவர் நடிகர் விஜய் சேதுபதி. நடிகர், தயாரிப்பாளர் போன்ற அவதாரங்கள் எடுத்து தமிழ் சினிமாவில் ஜெயித்து வருகிறார்.

தற்போது புதியதாக பாடகர் அவதாரமும் எடுத்துள்ளார். யுவன்ஷங்கர் ராஜா இசையில் அவர் சமீபத்தில் ஒரு பாடலை பாடியுள்ளார். இசையமைப்பாளர் யுவன் ஷங்கரின் உறவினர் ஹரிகிருஷ்ணன் என்பவர் நடிக்கும் படம் பேய்பசி. இந்தப் படத்தை ஸ்ரீனிவாஸ் கவிநயம் என்பவர் இயக்கி வருகிறார். இந்த படத்திற்கு யுவன்ஷங்கர் ராஜா இசையமைத்து வருகிறார்.

இந்தப் படத்தில் இடம் பெறும் ஒரு பாடலை கம்போஸ் செய்துவிட்டு அந்த பாடலை விஜய்சேதுபதியை பாட வைத்தால் நன்றாக இருக்கும் என்று கருதினார். இதுகுறித்து அவர் விஜய்சேதுபதியிடம் தெரிவித்தார். முதலில் தயங்கிய விஜய்சேதுபதி, பின்னர் யுவன் கொடுத்த தைரியத்தில் அந்த பாடலை பாடி முடித்தார். யுவன் இந்த தகவலை தனது டுவிட்டரில் தெரிவித்துள்ளார்.