Viduthalai: கூட்டிட்டு போய் ஏமாத்திட்டாரு: வெற்றிமாறன் குறித்து விஜய் சேதுபதி சொன்ன விஷயம்.!

தற்போதைய தமிழ் சினிமாவில் தவிர்க்க முடியாத இடத்தினை பெற்றிருப்பவர் வெற்றிமாறன். வணிகரீதியாக வெற்றி படங்களை கொடுப்பதோடு மட்டுமில்லாமல், தன்னுடைய படங்களின் வாயிலாக சமூக பிரச்சனைகள் குறித்து கேள்வி எழுப்பியும், கல்வி ஒருவனுக்கு எவ்வளவு முக்கியத்துவம் வாய்ந்தது என்பது குறித்தும் அழுத்தம் திருத்தமாக பேசி விவாதங்களை ஏற்படுத்தி வருகிறார்.

வெற்றிமாறன் இயக்கத்தில் கடைசியாக 'அசுரன்' வெளியானது. தமிழ் சினிமாவின் பேவரைட் காம்போவாக தனுஷ், வெற்றி கூட்டணியில் வெளியான இந்தப்படம் மிகப்பெரிய வெற்றியை சுவைத்தது., இதனையடுத்து தற்போது 'விடுதலை' என்ற படத்தை இயக்கியுள்ளார் வெற்றிமாறன். இந்தப்படத்திற்காக திட்டமிட்டதை விட அதிக நாட்கள் செலவழிக்க வேண்டியதாகிவிட்டது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

அட்டக்கத்தி தினேஷ் நடிப்பில் வெளியான 'விசாரணை' படம் போலவே இந்தப்படத்தையும் வித்தியாசமாக இயக்கியுள்ளார் வெற்றிமாறன். சின்ன படமாக துவங்கிய 'விடுதலை' இரண்டு பாகங்கள் என்ற இடத்தில் வந்து நின்றுள்ளது. இந்த இரண்டு பாகங்களுக்கான படப்பிடிப்பையும் முடித்துவிட்டார் வெற்றிமாறன். சூரியை முதன்மை கதாபாத்திரத்தில் வைத்து இந்தப்படத்தை எடுத்துள்ளார்.

மேலும் நடிகர் விஜய் சேதுபதி இந்தப்படத்தில் முக்கியமான கதாபாத்திரத்தில் நடித்துள்ளார். எல்ரெட் குமார் தயாரித்துள்ள இந்தப்படத்திற்கு இசைஞானி இளையராஜா இசையமைத்துள்ளார். இந்நிலையில் 'விடுதலை' படத்தின் இசை மற்றும் டிரெய்லர் வெளியீட்டு விழா நேற்றைய தினம் நடைபெற்றது. இதில் படக்குழுவினர் அனைவரும் கலந்து கொண்டனர்.

Kajal Aggarwal: தப்பி தவறிக்கூட விவேகம் படத்தை காட்டிடாதீங்க: ப்ளூ சட்டை மாறன் மரண கலாய்.!

இந்நிலையில் இந்நிகழ்வில் பேசிய விஜய் சேதுபதி, 'விடுதலை' படத்தில் நடிக்க வெற்றிமாறன் சார் எட்டு நாள் கால்ஷீட் கேட்டார். கடலூர் மாவட்டத்தில் உள்ள மல்லியம்மன் ஊரில் படப்பிடிப்பு நடந்தது. காகங்களே இல்லாத ஊர் அது. அந்த எட்டு நாள்ல மல்லியம்மன் ஊர்ல என்னை வைச்சு ஆடிசன் மட்டும்தான் பண்ணார். எட்டு நாள் என கூட்டி சென்று வெற்றிமாறன் என்னை எமாத்திவிட்டார். அவர் பொறுப்பாக செயல்படும் அற்புதமான இயக்குனர்.

Simbu: சிம்புவின் திருமணம் குறித்து பிரபலம் கூறிய தகவல்: கொண்டாட்டத்தில் ரசிகர்கள்..!

வடசென்னை வாய்ப்பை தவறவிட்டதற்காக ரொம்பவே வருத்தப்பட்டு இருக்கேன். அதுனால தான் இந்த படத்துல நடிக்க உடனே ஓகே சொல்லிட்டேன் என தெரிவித்துள்ளார். அதன்பின்னர் பேசிய வெற்றிமாறனும் விஜய் சேதுபதியிடம் 8 நாள் கால்ஷீட் வாங்கிட்டு 65 நாட்கள் நடிக்க வைத்துவிட்டதாக கூறினார். விடுதலை படத்தில் வாத்தியார் பெருமாள் என்ற மக்கள் படை தலைவராக போராளி கதாபாத்திரத்தில் விஜய் சேதுபதியும், கான்ஸ்டபிளாக சூரியும் நடித்துள்ளது குறிப்பிடத்தக்கது.