‘ஒரு நல்ல நாள் பாத்து சொல்றேன்’ படத்தில் பழங்குடி இன தலைவராக விஜய் சேதுபதி!

நடிகர் விஜய் சேதுபதி ‘ஒரு நல்ல நாள் பார்த்து சொல்றேன்’ படத்தில் பழங்குடி இன தலைவராக நடிப்பதாக செய்திகள் வெளியாகியுள்ளன.

நடிகர் விஜய் சேதுபதி தன்னுடைய இயல்பான நடிப்பால் அனைவரையும் கவர்ந்து வருகிறார். படத்திற்கு படம் நடிப்பில் இவர் வித்தியாசம் காட்டி வருகிறார். இவரை அன்புடன் மக்கள் செல்வவாக அழைக்கத் தொடங்கி விட்டனர். தற்போது விஜய் சேதுபதி வித்தியாசமான கதைகளையும், கேரக்டர்களையும் தேடிப்பிடித்து நடிப்பதை குறிக்கோளாக வைத்திருக்கிறார். இதில் தற்போது ஆறுமுக குமார் இயக்கத்தில் ‘ஒரு நல்ல நாள் பாத்து சொல்றேன்’ படத்தில் நடித்து வருகிறார்.

இந்தப் படம் குறித்து இயக்குனர் ஆறுமுக குமார் கூறுகையில், ‘‘விஜய் சேதுபதியின் நடிப்பை பார்த்து வியந்து விட்டேன். படத்தில் அவருக்கு சவாலான கேரக்டர் கொடுக்கப்பட்டுள்ளது. சவாலான ரோலை மிக எளிமையாக கையாண்டுள்ளார். படத்தில் பழங்குடி இன தலைவராக நடித்திருக்கும் விஜய் சேதுபதி 8 விதமான தோற்றங்களில் நடித்துள்ளார்’’ என்றார்.