கிரிக்கெட் பயிற்சி பெறும் விஜய் சேதுபதி: வாழ்க்கை வரலாற்று படம் உறுதியானது

விஜய் சேதுபதி மாஸ்டர் படத்தில் விஜய்க்கு வில்லனாக நடித்து உள்ளார். பெரிய எதிர்பார்ப்பில் உள்ள இந்த படம் வரும் ஏப்ரல் 9ம் தேதி திரைக்கு வருகிறது.

இது மட்டுமின்றி விஜய் சேதுபதி தன் கைவசம் பல படங்கள் வைத்துள்ளார். மேலும் விக்னேஷ் சிவன் இயக்கத்தில் காத்து வாக்குல ரெண்டு காதல் பற்றிய அறிவிப்பு சமீபத்தில் தான் வந்தது.

இந்நிலையில் விஜய் சேதுபதி இலங்கை கிரிக்கெட் வீரர் முத்தையா முரளிதரனின் வாழ்க்கை வரலாற்று படத்தில் நடிக்க தேதிகள் ஒதுக்கியுள்ளார் என செய்திகள் வெளியாகியுள்ளது. இதற்கு 800 என பெயர் வைத்துள்ளனர்.

இந்த படம் பற்றிய அறிவிப்பு பல மாதங்கள் முன்பே வந்தது. ஆனால் எப்போது துவங்கும் என்பது பற்றி எந்த தகவலும் வராமல் இருந்தது. படம் கைவிடப்பட்டுவிட்டது என்று கூட செய்திகள் சில மாதங்கள் முன்பு கூறப்பட்டது. அது வதந்தி என நிரூபிக்கும் வகையில் தற்போது 800 பற்றிய தகவல் வெளிவந்துள்ளது.

800 பற்றிய அறிவிப்பு வந்ததும் சிலர் வரவேற்றாலும் ஒரு தரப்பினர் அதற்கு கடும் எதிர்ப்பு தெரிவித்தனர். குறிப்பாக ஈழத்தமிழர்கள் பலர் எதிர்ப்பு தெரிவித்தனர் என்பது குறிப்பிடத்தக்கது.

முத்தையா முரளிதரன் ரோலுக்காக விஜய் சேதுபதி மற்றும் படத்தில் நடிக்கும் மற்ற நடிகர்களுக்கும் கிரிக்கெட் பயிற்சி அளிக்கப்பட்டு வருகிறது.

முரளிதரன் சர்வதேச கிரிக்கெட்டில் 800 விக்கெட்டுக்கும் அதிகமாக வீழ்த்தியுள்ளதால் அதை குறிப்பிடும் விதத்தில் தான் 800 என பெயர் வைத்துள்ளாராம் இயக்குநர்.