காஸ்ட்லி காருடன் கலகலப்பான போட்டோவை வெளியிட்ட விஜய் சேதுபதி பட இயக்குனர்!

ஹீரோவாக கலக்கி வரும் விஜய் சேதுபதி தற்போது வில்லனாகவும் தடம் பதித்து வருகிறார். மிகப்பெரிய எதிர்பார்ப்புக்கு மத்தியில் சூப்பர் ஸ்டாருக்கு வில்லனாக நடித்த 'பேட்ட' திரைப்படம் காலை வாரினாலும், தளபதி விஜய்க்கு வில்லனாக நடித்த 'மாஸ்டர்' திரைப்படம் மிகப்பெரிய வரவேற்பினை பெற்று தந்துள்ளது விஜய்சேதுபதிக்கு. தமிழில் அவரின் அரை டஜன் படங்கள் ரீலிசுக்கு காத்து கொண்டிருந்தாலும், தெலுங்கு சினிமாக்களில் இருந்தும் வாய்ப்புகள் குவிந்த வண்ணம் இருக்கின்றன விஜய்சேதுபதிக்கு.

'மாஸ்டர்' திரைப்படத்தினை தொடர்ந்து, வைஷ்ணவ் தேஜ் உடன் இணைந்து நடித்த 'உப்பனா' திரைப்படமும் மிகப் பெரிய பிளாக் பஸ்டர் ஹிட்டாக அமைந்துள்ளது விஜய் சேதுபதிக்கு. டைரக்டர் புஜ்ஜி பாபு சனாவின் முதல் படமான 'உப்பனா', காதல் மற்றும் ஜாதி பிரச்சினையை மையமாகக் கொண்டு வெளியானது. நிகழ்காலத்தில் காதலுக்கு எதிராக சமூகத்தில் நடக்கும் பிரச்சனைகளை இந்த திரைப்படம் பேசி இருந்ததால் ரசிகர்களிடம் நல்ல வரவேற்பை பெற்றது.

வைஷ்ணவ தேஜ் மற்றும் கீர்த்தி ஷெட்டி இருவரும் காதலர்களாகவும், விஜய் சேதுபதி ஜாதியில் அதிதீவிரமாக இருப்பவராகவும் இந்த திரைப்படத்தில் நடித்திருந்தனர். கடந்த மாதம் வெளியான இந்த திரைப்படம் ரசிகர்களிடம் நல்ல வரவேற்பை பெற்றதோடு, விஜய்சேதுபதிக்கும் தெலுங்கு சினிமா மார்க்கெட்டில் நல்ல அந்தஸ்தையும் பெற்று தந்துள்ளது.

நீங்கள் எங்களை விட்டு வெகுதூரம் செல்லவில்லை: உமா சேதுராமனின் கலங்க வைக்கும் பதிவு..

'உப்பனா' திரைப்படத்தை நவீன் யர்னினி, ரவி ஷங்கர், சுகுமார் ஆகிய இருவரும் இணைந்து தயாரித்திருந்தனர். இந்நிலையில் இந்த படத்தின் பிரம்மாண்ட வெற்றியால் மகிழ்ச்சியில் இருந்த தயாரிப்பாளர்கள், இந்த படத்தின் டைரக்டருக்கு புஜ்ஜி பாபுவிற்கு, ரூ.75 லட்சம் ரூபாய் மதிப்பிலான பென்ஸ் காரை பரிசாக அளித்துள்ளனர். முதல் படத்திலே இயக்குனர்களிடமிருந்து புஜ்ஜி பாபு விலையுயர்ந்த பரிசை பெற்றது தான் தெலுங்கு சினிமா முழுவதிலும் பேச்சாக உள்ளது.

இந்த புதிய காரில் சுகுமாருடன், புஜ்ஜி பாபு சென்ற போட்டோக்களை இருவரும் சமூக வலைதளங்களில் பகிர்ந்துள்ளனர். கடந்த மாதம் வெளியான 'உப்பனா' திரைப்படம் தொடர்ச்சியாக வசூலை மழை பொழிந்து வருவதால் மகிழ்ச்சியில் திளைத்த தயாரிப்பாளர்கள் இந்த காஸ்ட்லி பரிசை டைரக்டருக்கு பரிசாக வழங்கியுள்ளனர். சினிமாத்துறையை சார்ந்த பலரும் பரிசு வென்ற இயக்குனரை வாழ்த்தி வருகின்றனர்.