விஜய் சேதுபதியின் சூப்பர் டீலக்ஸ் படத்திற்கு நியூயார்க் டைம்ஸ் பத்திரிக்கை விமர்சனம்!

விஜய் சேதுபதி நடிப்பில் நேற்று உலகம் முழுவதும் வெளியான சூப்பர் டீலக்ஸ் படத்திற்கு நியூயார்க் டைம்ஸ் பத்திரிக்கை ஒன்று விமர்சனம் கொடுத்துள்ளது.

கடந்த சில ஆண்டுகளாக உலகளவில் இந்திய சினிமா வளர்ச்சி அடைந்து வருகிறது. ரஜினிகாந்த், அஜித், விஜய், கமல் ஹாசன் ஆகியோரது நடிப்பில் வரும் படங்கள் பெரும்பாலும் வெளிநாடுகளிலும் வெளியாகி ஹிட் கொடுத்து வருகிறது. அந்த வகையில், இயக்குனர் தியாகராஜா குமாரராஜா இயக்கத்தில் வந்த சூப்பர் டீலக்ஸ் படம் உலகளவில் வெளியாகி ஃபாக்ஸ் ஆபிஸ் வசூலில் சாதனை படைத்து வருகிறது.

Also Read This:Super Deluxe Full Movie: தமிழ்ராக்கர்ஸில் HD சூப்பராக வெளியான சூப்பர் டீலக்ஸ்! - கட்டுப்படுத்தப்படுமா?

இப்படத்தில் விஜய் சேதுபதி, ஷில்பா என்ற கதாபாத்திரத்தில் திருநங்கையாக நடித்துள்ளார். படத்தில் சில காட்சிகளில் மட்டும் ஹீரோக்கள் திருநங்கையாக நடித்திருப்பது உண்டு. ஆனால், படம் முழுவதும் ஒரு மாஸ் ஹீரோ திருநங்கையாக நடித்திருப்பது ஒன்றும் சாதாரண விஷயம் இல்லை. ஆனால், அதனையெல்லாம் பெரிதாக நினைக்காமல், கதைக்கு ஏற்றவாறு தன்னை ஒரு திருநங்கையாகவே கருதி இப்படத்தில் நடித்து முடித்து பலரது பாராட்டுக்களையும் பெற்றுள்ளார்.

ஆம், இயக்குனர்கள் முதல் சினிமா பிரபலங்கள் பலரும் தங்களது பாராட்டுகளையும், வாழ்த்துக்களையும் தெரிவித்து வருகின்றனர். இந்த நிலையில், அமெரிக்காவின் புகழ்பெற்ற பத்திரிக்கையான தி நியூயார்க் டைம்ஸ் அதன் இணயதளத்தில், சூப்பர் டீலக்ஸ் படத்தின் விமர்சனத்தை வெளியிட்டுள்ளது. பெரும்பாலும், பாலிவுட் படங்களில் பாலியல் என்பது இன்னும் வெளிப்படையாக காட்டப்படாத நிலையில், பாலியல் என்பது உணர்வின் ஒரு பகுதியாக உள்ளது. தனித்துவமான சிறந்த படம் சூப்பர் டீலக்ஸ் என்று குறிப்பிடப்பட்டுள்ளது என்பது குறிப்பிடத்தக்கது.