‘ஜுங்கா’ பட பர்ஸ்ட் லுக் போஸ்டர் வெளியீடு!

விஜய் சேதுபதி நடிப்பில் உருவாகி வரும் ‘ஜுங்கா’ படத்தின் பர்ஸ்ட் லுக் போஸ்டர் வெளியாகியுள்ளது.

கோகுல் இயக்கத்தில் விஜய் சேதுபதி நடிப்பில் உருவாகி வரும் படம் ‘ஜுங்கா’. கோகுல் ஏற்கனவே விஜய்சேதுபதியை வைத்து ‘இதற்குத்தானே ஆசைப்பட்டாய் பாலகுமாரா’ என்ற படத்தை இயக்கியுள்ளார்.

‘ஜுங்கா’ படத்தை விஜய் சேதுபதியே தயாரித்து வருகிறார். படத்தில் விஜய் சேதுபதிக்கு ஜோடியாக சாயிஷா சைகல் நடிக்கிறார். மேலும் படத்தில் யோகிபாபு காமெடியனாக நடிக்கிறார். இந்தப் படத்திற்கு சித்தார்த் விபின் இசையமைத்து வருகிறார்.

இந்நிலையில், இப்படத்தின் பர்ஸ்ட் லுக் போஸ்டர் ஒன்று அதிகாரப்பூர்வமாக வெளியிடப்பட்டுள்ளது. இதில் விஜய் சேதுபதியின் புதிய கெட்டப் அனைவரையும் கவர்ந்துள்ளது. விஜய் சேதுபதி கையில் ஒரு துப்பாக்கியுடன் கோட்சூட் அணிந்து வித்தியாசமான ஹேர்ஸ்டைல் மற்றும் மீசையில் காட்சிளிக்கிறார்.