நாலாப்பக்கமும் இருந்தும் நமக்கு தொந்தரவு கொடுப்பாா்கள்- விஜய் அட்வைஸ்

அட்லி இயக்கத்தில் நடிகர் விஜய் மெர்சல் படத்தில் விறுவிறுப்பாக நடித்து வருகிறார். ஏ.ஆர்.ரஹ்மான் இசையமைக்கும் இப்படத்தை ஸ்ரீ தேனாண்டாள் பிலிம்ஸ் நிறுவனம் தயாரித்து வருகிறது.

இதையடுத்து, இப்படத்தின் ஒரேயொரு பாடலைத் தவிர மற்ற அனைத்து படப்பிடிப்பு காட்சிகளும் முடிக்கப்பட்ட நிலையில், இப்படத்தின் இசை வெளியீட்டு விழா மிகப்பிரமாண்டமாக ஞாயிறு மாலை நடந்தது.
விழாவில் நடிகர் விஜய் மேடையில் பேசியதாவது;


ஒரு சில விஷயங்கள் உங்களுக்கே தெரியும். நான் அட்வைஸ் பண்றதாக நினைக்க வேண்டாம். நான் அவ்வளவு பெரிய மனிதரும் கிடையாது. என்னுடைய வாழ்கையில் நடந்த சின்ன சின்ன அனுபவங்களை பகிரந்து கொள்ள விரும்புகிறேன்.

நான் வெளியூர் செல்லும் போது நிறைய நண்பர்கள் என்னை சந்தித்து பேசுவார்கள், அப்போது அவர்கள் கேட்க கூடிய ஒரு கேள்வி என்னவென்றால், உங்களை சுற்றி உள்ள நெகட்டிவிட்டிகளை எப்படி கையாளுகுகிறேர்கள் என்பது தான். அதற்கு நான் சொல்லக்கூடிய பதில், அந்த நெகட்டிவிலிருந்த விலகி செல்வது மட்டும் தான்.

என்னுடைய வாழ்க்கையில் இதை நான் நிறைய அனுபவித்திருக்கிறேன். தேவையில்லாத வேலையில் தலையிட வேண்டாம். அதேப்போல இந்த உலகத்தில் நம்மை நான்கு புறத்திலிருந்தும் தொந்தரவு கொடுப்பார்கள்.

எல்லோருக்கும் நம்மை பிடித்துவிட்டால் வாழ்க்கை போர் அடித்துவிடும் சில பேருக்காவது நம்மை பிடிக்காமல் இருந்தால் தான் வாழ்க்கை எதிர்பார்ப்புடன் ஜாலியாக இருக்கும்.

அழகும் ஆடம்பரமும் இருந்தால் ஆயிரம் பேர் கூட ஆசையா பழகுவார்கள். அன்பு இருந்தால் பழகக்கூடிய பத்துபேர் கூட உண்மையாக இருப்பார்கள். நான் அன்பாய் இருப்பதால் தான் உங்களை நான் அடைந்திருக்கிறேன்

அட்லி மேல் இருக்கும் அபார நம்பிக்கையில், மெர்சல் திரைபடத்தைப்பற்றி ஒரு சிறிய பஞ்ச் டையலாக் சொல்லி விடைபெறுகிறேன்

துப்பாக்கி என்றால் தோட்டா இருக்கனும்
கத்தி என்றால் கூர்மையாக இருக்கனும்
தெறி என்றால் தெனாவெட்டா இருக்கனும்
மெர்சல் என்றால் மிரட்டலா இருக்கனும்

நன்றி

இவ்வாறு நடிகர் விஜய் மேடையில் பேசினார்.

Vijay speech in Mersal audio launch