விஜய் பிறந்தநாளுக்கு முன்பே கசிந்த தளபதி 65 பட டைட்டில்?: யார் பார்த்த வேலை இது!

மாஸ்டரை அடுத்து நெல்சன் திலீப்குமார் இயக்கத்தில் தளபதி 65 படத்தில் நடித்து வருகிறார் விஜய். சன் பிக்சர்ஸ் நிறுவனம் தயாரிக்கும் அந்த படத்தில் பூஜா ஹெக்டே தான் ஹீரோயின். வரும் 22ம் தேதி விஜய்யின் 47வது பிறந்தநாள் கொண்டாடப்படுகிறது. அன்றைய தினம் தளபதி 65 படத்தின் டைட்டிலை அறிவிக்க வேண்டும் என்று விஜய் ரசிகர்கள் எதிர்பார்க்கிறார்கள். இது தான் அவர்கள் எதிர்பார்க்கும் பரிசு ஆகும்.

ஜூன் 22ம் தேதி தளபதி 65 பட டைட்டிலை எதிர்பார்க்கும் நேரத்தில் ஒரு தகவல் வெளியாகியிருக்கிறது. அதாவது தளபதி 65 படத்திற்கு டார்கெட் என்று தலைப்பு வைக்கப்பட்டிருப்பதாக சமூக வலைதளங்களில் பேசப்படுகிறது. அதென்ன டார்கெட் என்று ஒரு தலைப்பு என ரசிகர்கள் சிலர் கேள்வி எழுப்பியுள்ளனர். இருப்பினும் இந்த டார்கெட் தகவலை படக்குழு இதுவரை உறுதி செய்யவில்லை.

விஜய்யின் பிறந்தநாள் அன்று தளபதி 66 படம் குறித்த அறிவிப்பு வெளியாகலாம் என்றும் கூறப்படுகிறது. தளபதி 66 படத்தை, தான் இயக்கப் போவதாக பிரபல தெலுங்கு இயக்குநர் வம்சி பைடிபல்லி அண்மையில் பேட்டி ஒன்றில் தெரிவித்தார். அந்த படத்தை தில் ராஜு தயாரிக்கிறாராம். விஜய் தன் கையில் இருக்கும் பட வேலையை முடிக்கும் வரை புதுப்படம் குறித்து அறிவிப்பது இல்லை. அதனால் 22ம் தேதி தளபதி 66 பட அறிவிப்பு வெளியாகுமா என்பதை பொறுத்திருந்து தான் பார்க்க வேண்டும்.

தளபதி 65 படத்தின் முதல்கட்ட படப்பிடிப்பு மட்டுமே முடிந்துள்ளது. ஜார்ஜியாவில் படப்பிடிப்பை நடத்திவிட்டு ஊர் திரும்பிய படக்குழு மே மாதம் சென்னையில் இரண்டாம் கட்ட படப்பிடிப்பை நடத்த திட்டமிட்டது. ஆனால் அதற்குள் கொரோனா வைரஸ் பிரச்சனை மீண்டும் விஸ்வரூபம் எடுத்ததால் படப்பிடிப்பை துவங்க முடியவில்லை. தளபதி 65 படம் மூலம் பல ஆண்டுகள் கழித்து கோலிவுட் பக்கம் வந்துள்ளார் பூஜா ஹெக்டே என்பது குறிப்பிடத்தக்கது.