100வது படத்தில் விஜய்யை உறுதி செய்த சூப்பர் குட் பிலிம்ஸ்!

நடிகர் விஜய், அட்லி இயக்கத்தில் மூன்றாவது முறையாக ஒரு படத்தில் நடித்து வருகிறார். இது விஜய்யின் 63வது படமாகும். இந்தப் படம் கால்பந்தாட்டத்தை மையப்படுத்தி உருவாகிவருகிறது. இப்படத்தில் விஜய்யுடன் நயன்தாரா, விவேக், ஜாக்கி ஷெராப், கதிர், யோகி பாபு என ஒரு நட்சத்திர பட்டாளமே இணைந்து நடித்து வருகிறது.

இதன் படப்பிடிப்பு தற்போது சென்னையில் நடைபெற்று வருகிறது. இதைதொடர்ந்து விஜய் நடிக்கும் அடுத்த படம் பற்றிய எதிர்பார்ப்பும் எழுந்துள்ளது.

சூப்பர் குட் பிலிம்ஸ் நிறுவனத்தின் 100வது படத்தில் விஜய்!?

இந்நிலையில் விஜய்யின் அடுத்த படத்தை சூப்பர் குட் பிலிம்ஸ் தயாரிக்க இருப்பதாக தகவல் வெளியாகி இருக்கிறது. சூப்பர் குட் பிலிம்ஸ் கடைசியாக தயாரித்த படங்கள் ‘கடம்பன்’, ‘மொட்ட சிவா கெட்ட சிவா’. பின்னர் எந்த படங்களும் தயாரிக்கவில்லை.

சூப்பர் குட் பிலிம்ஸின் 100வது படத்தில் நடிக்கும் நடிகர் விஜய்!

தற்போது இந்த நிறுவனம், தங்களது 100வது படத்தில் விஜய்தான் நடிக்கவேண்டும் என்று முடிவு செய்துள்ளனர். இதை நடிகர் ஜீவா உறுதிப்படுத்தியுள்ளார். ஏற்கனவே விஜய்யின் ‘ஜில்லா’ படத்தை சூப்பர் குட் பிலிம்ஸ் தயாரித்தது குறிப்பிடத்தக்கது. இதற்கிடையில் விஜய்யும், ஜீவாவும் நல்ல நண்பர்கள். இவர்கள் இருவரும் இணைந்து ‘நண்பன்’ படத்தில் நடித்துள்ளது குறிப்பிடத்தக்கது.

சூப்பர் குட் பிலிம்ஸின் 100-வது படத்தில் விஜய் நடிப்பார் என ஏற்கனவே தகவல் வெளியாகியிருந்த நிலையில் அதுகுறித்து அந்நிறுவன தலைவர் ஆர்.பி.சௌத்ரியின் மகனும் நடிகருமான ஜீவா தற்போது உறுதி செய்துள்ளார்.

ஜீவா, கூறியதாவது, ‘‘எங்கள் பேனரில் விஜய் நடிப்பது உறுதி. ஆனால் உடனடியாக நடக்குமா என்பது தெரியவில்லை. ஒருவேளை அது எங்கள் நிறுவனத்தின் 100-வது படமாக இருந்தால் அது எங்களுக்குத்தான் கௌரவம்’’ என்றார்.