மீண்டும் விஜய் - முருகதாஸ் இணையும் படம் விரைவில் ஆரம்பம்

சென்னை : விஜய் - முருகதாஸ் கூட்டணியில் உருவாஅன துப்பாக்கி, கத்தி படங்கள் மிகப்பெரிய அளவில் ஹிட்டானது. இந்த வகையில் மீண்டும் இந்த கூட்டணி உருவாக உள்ளதாக தகவல் வெளியாகியுள்ளது.

விஜய் நடிப்பில், முருகதாஸ் இயக்கத்தில் உருவான துப்பாக்கி மற்றும் அதை தொடர்ந்து வந்த கத்தி திரைப்படங்கள் வசூல் ரீதியாகவும், நல்ல கதையம்சம் கொண்ட, எல்லோராலும் பாராட்டும் வகையிலும் அமைந்திருந்தது.

இந்நிலையில் முருகதாஸ் கத்தி திரைப்படத்திற்கு பின் ஹிந்தியில் ‘அகிரா’ என்ற படத்தை இயக்கினார். ஆனால் அது எதிபார்த்த அளவுக்கு வெற்றியடையவில்லை. அதன் பின் தெலுங்கில் மகேஷ் பாபுவை வைத்து ஒரு படத்தை இயக்கி வருகின்றார். இப்படம் தற்போது கடைசிகட்ட படப்பிடிப்பு நடைப்பெற்று வருகின்றது.

இந்நிலையில் மீண்டும் விஜய்யுடன் கூட்டணி அமைக்க திட்டமிட்டுள்ளார் முருகதாஸ். இதற்கான பணிகளில் அவரின் உதவியாளர்கள் தீவிரமாக ஈடுபட்டுள்ளனர். இந்த படத்திற்கான வேலை வரும் அக்டோபர் மாதம் தொடங்கப்பட உள்ளது. இப்படத்திற்காக விஜய்க்கு 25 கோடு சம்பளமாக கொடுக்க உள்ளதாகவும் தகவல் வெளியாகி உள்ளது. இப்படத்தை கத்தியை தயாரித்த லைகா தயாரிக்க உள்ளது.