'ஒரே டைரக்டர்க்கு ஹீரோ, ஒரே டைம்ல டாடி ஆக போறோம்!' யாரை பற்றி சொல்கிறார் சஞ்சீவ்?

விஜய் டிவியில் ஒளிபரப்பான ராஜா ராணி சீரியலில் கார்த்திக் மற்றும் செம்பா ஆகிய கதாபாத்திரங்களில் நடித்தவர்கள் சஞ்சீவ் மற்றும் ஆல்யா மானசா. சீரியலில் இவர்களது கெமிஸ்ட்ரி ரசிகர்களை வெகுவாக கவர்ந்தது.

அந்த சீரியல் முடிவுபெறும் முன்பே இவர்கள் உண்மையிலேயே காதலிக்க துவங்கிவிட்டனர். சரவணன் மீனாட்சி செந்தில்-ஸ்ரீஜா போல இவர்களது காதல் கதையும் திருமணத்தில் தான் முடிந்தது. ரகசியமாக திருமணம் செய்து கொண்டாலும் பல மாதங்கள் கழித்து அதை அதிகாரபூர்வமாக ரசிகர்களுக்கு அறிவித்தனர்.

அதன் பின் ஆல்யா மானசா கர்ப்பமாக இருப்பதாக மகிழ்ச்சியான செய்தியை அறிவித்து, அவருக்கு வளைகாப்பு நிகழ்ச்சியும் விமரிசையாக நடைபெற்றது.

டான்சிங் சூப்பர் ஸ்டார்ஸ் நிகழ்ச்சியில் ஆல்யாவுக்கு வளைகாப்பு நடைபெற்றபோது அவர் கண்ணீர் விட்டு அழுதுவிட்டார். பெற்றோர் திருமணத்திற்கு எதிர்ப்பு தெரிவித்ததால் குடும்பத்தை பிரிந்து தான் ஆல்யா திருமணம் செய்து கொண்டார். நீண்ட காலமாக பேசாமல் இருந்த குடும்பத்தினர் வளைகாப்பு நிகழ்ச்சிக்கு வந்தபோது அவர்களை பார்த்து அழுதுவிட்டார்.

அதே போல சீரியல் நடிகர் ரியோ ராஜின் மனைவி ஸ்ருதியும் கர்ப்பமாக இருக்கிறார். ஸ்ருதி, ஆல்யா மானசா இருவரும் ஒரே மருத்துவமனையில் தான் பரிசோதனைக்கு சென்றுள்ளனர்.

அப்போது எடுக்கப்பட்ட புகைப்படத்தை இன்ஸ்டாகிராமில் வெளியிட்டுள்ளார் சஞ்சீவ். "ஒரே டைரக்டருக்கு ஹீரோ, ஒரே டைம்ல அப்பா ஆகப்போறோம், ஒரே ஹாஸ்பிடல்ல பாக்குறோமே" என குறிப்பிட்டு ரியோ-ஸ்ருதி ஜோடிக்கு வாழ்த்து தெரிவித்துள்ளார் சஞ்சீவ்.

இந்த புகைப்படத்தை பார்த்த நெட்டிசன்கள் தற்போது இரண்டு ஜோடிகளுக்கும் வாழ்த்து கூறி வருகின்றனர்.