Vijayakanth:கையை தூக்க முடியல, உட்கார முடியல: கேப்டனுக்கா இப்படி ஒரு பரிதாப நிலை!

தேமுதிக தலைவரும், நடிகருமான கேப்டன் விஜயகாந்த் அண்மை காலமாக உடல்நலக் குறைவால் அவதிப்பட்டு வருகிறார். இதனால் அவர் பெரும்பாலும் வீட்டை விட்டு வெளியே வருவது இல்லை. இந்நிலையில் தான் சுதந்திர தினத்தை முன்னிட்டு தேசியக் கொடி ஏற்ற தன் அலுவலகத்திற்கு காரில் வந்தார்.

சர்க்கரை பிரச்சனையால் அண்மையில் விஜயகாந்தின் கால்களில் விரல்கள் அகற்றப்பட்டது. அதனால் வாகனத்தில் இருந்தபடியே மனைவி பிரேமலதாவின் உதவியுடன் கொடியேற்றினார். விஜயகாந்தை அப்படிப் பார்த்த தேமுதிக தொண்டர்களால் கண்ணீரை அடக்க முடியாமல் அழுதுவிட்டனர்.

தேசியக் கொடி ஏற்ற வந்த விஜயகாந்த் கண்ணாடியை கூட போட முடியாமல் திணறினார். இதையடுத்து பிரேமலதா அவருக்கு கண்ணாடியை போட்டுவிட்டார். அந்த வீடியோ தான் தற்போது சமூக வலைதளங்கள் வலம் வந்து கொண்டிருக்கிறது. எப்படி இருந்த கேப்டன் இப்படி ஆகிவிட்டாரே என ரசிகர்கள் வருத்தப்படுகிறார்கள்.

கேப்டனுக்கு உடம்புக்கு சரியில்லை என்பது தெரிகிறது. தயவு செய்து அவரை இப்படி வெளியே அழைத்து வராதீர்கள். எங்களால் பார்க்க முடியவில்லை. அவர் வீட்டிலேயே ஓய்வெடுக்கட்டும். சிங்கம் மாதிரி இருந்த மனுஷன் தற்போது சரியாக உட்காரக் கூட முடியாமல் சாய்வதை பார்க்க கொடுமையாக இருக்கிறது என ரசிகர்கள் தெரிவித்துள்ளனர்.