Vijay: விஜய்யிடம் பலமுறை சொல்லிட்டேன்: எஸ்.ஏ. சந்திரசேகர் வருத்தம்.!

கடந்த ஜூலை 3ம் தேதி நடிகர் விஜய்யின் தந்தையும், இயக்குனருமான எஸ்.ஏ. சந்திரசேகர் தனது பிறந்தநாளை கொண்டாடினார். மனைவி ஷோபா சந்திரசேகர் மற்றும் உதவி இயக்குநர்களுடன் அவர் கேக் வெட்டிக் கொண்டாடிய புகைப்படங்கள் இணையத்தில் வெளியாகி வைரலானது.

அப்பா எஸ்.ஏ. சந்திரசேகருக்கும் நடிகர் விஜய்க்கும் இடையே விஜய் மக்கள் இயக்கம் தொடர்பாக ஏற்பட்ட பிரச்சனை காரணமாக மனக்கசப்பு ஏற்பட்டது. தனது அனுமதி இல்லாமல் விஜய் மக்கள் இயக்கத்தினர் தனது புகைப்படம் மற்றும் பெயரை பயன்படுத்தக் கூடாது வழக்கும் தொடர்ந்தார் விஜய்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்நிலையில் எஸ்.ஏ. சந்திரசேகர் பிறந்தநாள் விழாவிலும் விஜய் கலந்து கொள்ளாததை நெட்டிசன்கள் பலரும் விமர்சித்தனர். அதனை தொடர்ந்து தாபிஷேக விழாவை திருக்கடையூர் கோயிலில் எஸ்.ஏ. சந்திரசேகர் மற்றும் அவரது மனைவி ஷோபா சந்திரசேகர் மட்டுமே கலந்து கொண்டு செய்த வீடியோ மற்றும் புகைப்படங்கள் வெளியாகி வைரலானது.

இந்நிலையில், செய்தியாளர்களை சந்தித்த எஸ்.ஏ. சந்திரசேகரிடம் விஜய் மக்கள் இயக்கம் பற்றி கேள்வி எழுப்பியதற்கு, விஜய் மக்கள் இயக்கம் வலுவிழந்து விட்டது என்றும், அதிலிருந்து நீக்கப்பட்ட முக்கிய உறுப்பினர்களை மீண்டும் இணைத்துக் கொண்டால் தான் அதன் எதிர்காலம் நன்றாக இருக்கும் என்றும் இதுகுறித்து பலமுறை மகன் விஜய்யிடம் எடுத்துக் கூறியதாகவும் தெரிவித்துள்ளார் எஸ்.ஏ. சந்திரசேகர்.

பாலியல் கொடுமை, கொலைவெறி தாக்குதல்: மாமானார் மீது ‘அண்ணாத்த’ பட நடிகை திடுக் புகார்.!

ஏற்கனவே விஜய் மக்கள் இயக்கத்தில் எஸ்.ஏ. சந்திரசேகர் தலையிட்டது தான் மகன், தந்தை இடையி பிரச்சனை வர காரணம் என கூறப்படுகிறது. விஜய் தற்போது வம்சி பைடிபல்லி இயக்கத்தில் ‘வாரிசு’ படத்தில் நடித்து வருகிறார். இதன் படப்பிடிப்பு தற்போது விறுவிறுப்பாக நடைபெற்று வருவது குறிப்பிடத்தக்கது.