மாஸ்டர் உண்மை கதை: ரசிகர்களுக்கு சர்ப்ரைஸ் கொடுத்த தகவல்

கொரோனா லாக்டவுனால் மாஸ்டர் படத்தின் போஸ்ட் ப்ரொடக்ஷன் பணிகள் நிறுத்தப்பட்டிருந்தது. தற்போது அரசு போஸ்ட் ப்ரொடக்ஷன்பணிகளை மேற்கொள்ள அனுமதி அளித்துள்ள நிலையில் நேற்று முதல் மாஸ்டர் படத்தின் எடிட்டிங் பணிகள் மீண்டும் துவங்கி நடந்து வருகிறது.

லோகேஷ் கனகராஜ் இயக்கியுள்ள இந்த படம் மிகப்பெரிய எதிர்பார்ப்பில் உள்ளது. கைதி படத்திற்கு பிறகு அவர் இயக்கியுள்ள படம் இது என்பதாலும், விஜய்-விஜய் சேதுபதி இருவரும் நடித்திருப்பதாலும் இவ்வளவு எதிர்பார்ப்பு எழுந்ததில் ஆச்சர்யமில்லை.

மாஸ்டர் கதையை எழுதும் பணிகளில் லோகேஷுக்கு உதவிய பொன் பார்த்திபன் தற்போது அளித்துள்ள பேட்டி ஒன்றில் மாஸ்டர் கதை உண்மையில் இருக்கும் ஒரு நபரை பார்த்து தான் லோகேஷுக்கு தோன்றியது என தெரிவித்துள்ளார்.

மாஸ்டர் உண்மை கதை என்கிற தகவல் தற்போது பரவி வருவதால் ரசிகர்களுக்கு அது சர்ப்ரைஸ் கொடுத்துள்ளது. யார் அந்த நபர் என்றும் யோசித்து வருகின்றனர்.

மாஸ்டர் படத்தில் விஜய் கல்லூரி பேராசியராக நடித்துள்ளார். அவருக்கு ஜோடியாக மாளவிகா மோகனன் நடித்துள்ளார். அவருக்கும் கல்லூரி ஆசிரியர் வேடம் தான் என கூறப்படுகிறது. வில்லனாக விஜய் சேதுபதி, அர்ஜுன் தாஸ் ஆகியோர் நடித்துள்ளனர்.

நேற்று துவங்கிய போஸ்ட் ப்ரொடக்ஷன் பணிகள் விரைவில் முடிக்கப்பட்டு, லாக்டவுன் முடிந்ததும் படத்தை சென்சாருக்கு அனுப்பும் பணிகள் நடைபெறும் என எதிர்பார்க்கப்படுகிறது.

மேலும் புதிய ரிலீஸ் தேதி அறிவிக்கப்பட்ட பிறகு, அதற்கு ஏற்றாற்போல மாஸ்டர் ட்ரைலர் வெளிவரும் என்று எதிர்பார்க்கப்படுகிறது.