தமிழ் சினிமாவில் புதிய சாதனை படைத்த தளபதியின் சர்கார்!

ஏ.ஆர்.முருகதாஸ் இயக்கத்தில் விஜய் நடிப்பில் உருவாகியுள்ள படம் ‘சர்கார்’. இந்தப் படத்திற்கு இசைப்புயல் ஏ.ஆர்.ரஹ்மான் இசையமைத்துள்ளார். இந்தப் படத்தை சன் பிக்சர்ஸ் மிகப் பிரம்மாண்டமாக தயாரித்துள்ளது. இந்தப் படம் வரும் நவம்பர் 6ம் தேதி தமிழ், தெலுங்கு என இரண்டு மொழிகளில் வெளியாகவுள்ளது.

இதுவரை எந்த தமிழ் படமும் செய்யாத சாதனை ‘சர்கார்’ படம் செய்து புதிய சாதனை படைத்துள்ளது. மெக்சிகோ, பிலிப்பைன்ஸ், நியூசிலாந்து, உக்ரைன், ரஷ்யா மற்றும் ஆப்பிரிக்க நாடுகளில் இந்த படம் வெளியாகிறது. உலகம் முழுவதும் ‘1200க்கும் மேற்பட்ட திரையரங்குகளில் வெளியாகிறது.

பிரபாஸ் நடிப்பில் வந்த ‘பாகுபலி’ மற்றும் ‘பாகுபலி 2’ திரைப்படங்கள் அதிக திரையரங்குகளில் வெளியாகியிருந்தாலும் இந்த இரண்டு படங்களும் நேரடி தமிழ்ப்படங்கள் இல்லை என்பதும் ‘சர்கார்’ நேரடி தமிழ்ப்படம் என்பதால் இந்த பெருமையை பெற்றுள்ளது என்பதும் குறிப்பிடத்தக்கது.