ட்விட்டரில் சாதனை படைத்த விஜய்யின் மாஸ் செல்பி

விஜய் ரசிகர்கள் எப்போதும் சமூக வலைதளங்களில் அவரை பற்றி சின்ன அளவில் அப்டேட் வந்தால் கூட அதை மிகப்பெரிய அளவில் கொண்டாடுவார்கள். அதே நேரத்தில் மற்ற நடிகர்களின் ரசிகர்களுடன் சில சமயங்களில் அவர்கள் மோதலில் ஈடுபடுவதும் உண்டு. இது ஒரு புறமிருக்க தற்போது விஜய் தன்னுடைய ட்விட்டர் பக்கத்தில் பதிவிட்டு இருந்த ஒரு செல்பி புகைப்படம் புதிய சாதனை படைத்திருப்பதை விஜய் ரசிகர்கள் தற்போது கொண்டாடி வருகிறார்கள்.

சென்ற வருடம் விஜய் நடித்த பிகில் படத்தின் பர்ஸ்ட் லுக் போஸ்டர் பெரிய வைரல் ஆனது. அந்த போஸ்டர் தான் 2019 சினிமா துறையில் அதிகம் ரீட்வீட் செய்யப்பட்ட பதிவாக இருந்தது. இந்நிலையில் தற்போது விஜய் மாஸ்டர் பட ஷூட்டிங்கில் கலந்து கொள்வதற்காக நெய்வேலி சென்ற போது அங்கு அவரை பார்ப்பதற்காக அதிக அளவில் ரசிகர்கள் கூடினார்கள். விஜய் ஒரு பஸ் மீது ஏறி நின்று அவர்களுடன் செல்பி எடுத்துக் கொண்டார். அந்த புகைப்படத்தை அவர் ட்விட்டரில் பகிர்ந்திருந்தார். அது மிக அதிக அளவில் ரசிகர்களை கவர்ந்தது இருந்தது. அதிக அளவு ரீட்வீட்களும் அதற்குக் கிடைத்தது. தற்போது அந்த புகைப்படம் தான் ட்விட்டரில் அதிக அளவில் ரீட்வீட் செய்யப்பட்ட நடிகரின் பதிவாக மாறி இருக்கிறது. தற்பொது வரை 135K Retweets, 9.2K Quote Tweets, 355.8K Likes ஆகியவை அந்த ட்விட்டுக்கு கிடைத்துள்ளது. இந்த சாதனையை தற்போது விஜய் ரசிகர்கள் ஹேஷ்டேக் பதிவிட்டு ட்விட்டரில் கொண்டாடி வருகிறார்கள்.


விஜய் அங்கு ஷுட்டிங்கில் இருந்த போதுதான் வருமான வரித் துறையினர் அவரை அங்கிருந்து அழைத்து வந்து வீட்டில் சோதனை நடத்தினார்கள் என்பது குறிப்பிடத்தக்கது. இந்த சம்பவம் பரபரப்பை ஏற்படுத்திய நிலையில் விஜய்க்கு ஆதரவு தெரிவிக்க அதிகளவு ரசிகர்கள் ஷுட்டிங் ஸ்பாட்டில் கூடினார்கள். அவர்களுடன் விஜய் தினமும் சந்தித்து கையசைத்துவிட்டு செல்வார். ஒருமுறை அவர் பஸ் மேல் ஏறி நின்று ரசிகர்கள் அனைவருடன் சேர்த்து ஒரு செல்பி எடுத்துக் கொண்டார். அந்த போட்டோ தான் தற்போது சாதனை படைத்திருக்கிறது.

நெய்வேலி நிலக்கரி சுரங்கத்தில் தான் சில சண்டை காட்சிகளை லோகேஷ் கனகராஜ் படமாக்கி உள்ளார். மாஸ்டர் படத்தில் அது மிக முக்கிய ஒன்றாக இருக்கும் என அப்போதே செய்திகள் வெளியானது குறிப்பிடத்தக்கது.