பைரவா டீமுக்கு விஜய்யின் கண்டிஷன்!?

விஜய் நடிக்கும் பைரவா படத்தின் ஃபர்ஸ்ட் லுக் சில தினங்களுக்கு முன்பு வெளியானது. பைரவா விஜய்யின் 60வது திரைப்படமாகும். இந்தப்படத்தை பரதன் இயக்குகிறார். இவர் இதற்கு முன்பு விஜய்யை வைத்து அழகிய தமிழ் மகன் படத்தை இயக்கியுள்ளார். கீர்த்தி சுரேஷ், சதீஷ் மற்றும் மைம் கோபி ஆகியோர் நடித்துள்ளனர். சந்தோஷ் நாராயணன் முதல் முறையாக விஜய் படத்திற்கு இசை அமைக்கிறார். இதுவரை ஹைதராபாத்தில் ஷூட்டிங் நடந்துவந்த நிலையில் தற்போது சென்னையில் ஷீட்டிங் நடைபெற்றுவருகிறது.

இந்நிலையில் நடிகர் விஜய் படக்குழுவினருக்கு ஒரு நிபந்தனை விதித்துள்ளார். ஷூட்டிங்கின் போது அவருடன் எவரும் ஃபோட்டோ எடுத்துக்கொள்ளக்கூடாது என்பதே அந்த நிபந்தனை. ஃபோட்டோ எடுத்துக்கொள்ள விரும்புபவர்கள் கடைசி நாள் ஷூ்ட்டிங்கில் எடுத்துக்கொள்ளலாம் என்றும் கூறியுள்ளார். ஏனென்றால் ஃபோட்டோ வெளியானால் படத்தின் எதிர்பார்ப்பு குறைய வாய்ப்பு இருக்கிறது என்பதால் இந்த நிபந்தனை என்று கூறப்படுகிறது.