Thalapathy 67: திரை தீப்பிடிக்க போகுது.. தளபதிக்காக லோகேஷ் போடும் மாஸ்டர் பிளான்.!

லோகேஷின் 'மாஸ்டர்' படத்திற்கு பிறகு 'பீஸ்ட்' படத்தில் நடித்தார் விஜய். நெல்சனின் டாக்டர் படம் வெளியாவதற்கு முன்பே பீஸ்ட் படத்தை பற்றிய அறிவிப்பு வெளியானது. அதன் பிறகு சிவகார்த்திகேயன் நடிப்பில் வெளியான டாக்டர் படம் மிகப்பெரிய ஹிட்டடித்ததால் ரசிகர்கள் மத்தியில் 'பீஸ்ட்' படத்திற்கு மிகப்பெரிய எதிர்பார்ப்பு நிலவியது.

'பீஸ்ட்' படத்தினை தொடர்ந்து தெலுங்கு இயக்குனர் வம்சி பைடிபல்லி, ஸ்ரீ வெங்கடேஸ்வரா கிரியேஷன்ஸ் தயாரிப்பில் 'தளபதி 66' படத்தில் விஜய் நடிக்கவுள்ளதாக அதிகாரப்பூர்வமான அறிவிப்பு வெளியானது. 'வாரிசு' என தலைப்பிடப்பட்டுள்ள இந்தப்படத்தின் ராஷ்மிகா மந்தனா கதாநாயகியாக நடிக்கிறார். இதன் படப்பிடிப்பு ஹைதராபாத்தில் விறுவிறுப்பாக நடைபெற்று வருகிறது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

'வாரிசு' படத்தை அடுத்த ஆண்டு பொங்கலுக்கு கொண்டு வர படக்குழுவினர் திட்டமிட்டுள்ளனர். இந்நிலையில் ‘மாஸ்டர்’ படத்தினை மீண்டும் லோகேஷ் கனகராஜுடன் விஜய் இணைவதாக தகவல்கள் வெளியானது. ‘விக்ரம்’ படத்தின் பிரம்மாண்ட வெற்றியால் லோகேஷின் அடுத்த படம் ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது.

‘மாஸ்டர்’ படம் வசூல்ரீதியாக வரவேற்பை பெற்றிருந்தாலும் லோகேஷின் ஸ்டைலில் படம் இல்லையென்று ரசிகர்கள் வருத்தப்பட்டனர். இந்நிலையில் ‘தளபதி 67’ படம் முழுக்க முழுக்க தன்னுடைய பாணியில் இருக்குமென்று லோகேஷ் பேட்டிகளில் தெரிவித்து வருகிறார்.

கணவரை காப்பாற்ற கடைசி வரை போராடினார்: மீனா குறித்து பிரபல நடிகர் உருக்கம்.!

மேலும் இந்தப்படத்தில் விஜய் 50 வயது கேங்ஸ்டராக நடிக்கள்ளதாகவும் தகவல்கள் வெளியாகியுள்ளது. 'பிகில்' படத்தில் விஜய் ஏற்று நடித்த ராயப்பன் கதாபாத்திரத்தை போன்று ‘தளபதி 67’ படத்தில் விஜய் கதாபாத்திரம் இருக்கும் என்று கூறப்படுகிறது. இந்த தகவல் ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது.