Thalapathy 67: விஜய்யை மிரட்ட போகும் ஆறு பேர்: லிஸ்டில் இந்த நடிகரும் இருக்காரா.?

தமிழ் சினிமாவில் தொடர் வெற்றி படங்களை கொடுத்த லோகேஷின் அடுத்த பட அறிவிப்பிற்காக ரசிகர்கள் அனைவரும் வெறித்தனமாக காத்து வருகின்றனர். தமிழ், தெலுங்கு மொழியில் உருவாகும் ‘வாரிசு’ படத்தினை தொடர்ந்து லோகேஷ் இயக்கத்தில் ‘தளபதி 67’ ல் நடிக்கவுள்ளார் விஜய்.

மாநகரம், கைதி, மாஸ்டர் படங்களின் வெற்றியை தொடர்ந்து 'விக்ரம்' படத்தை இயக்கினார் லோகேஷ் கனகராஜ். நான்கு வருடங்களுக்கு பிறகு வெளியாகும் கமல் படம் என்பதால் விக்ரமிற்காக ரசிகர்கள் வெறித்தனமான எதிர்பார்ப்பில் இருந்தனர். இந்தப்படத்தை ராஜ்கமல் ஃபிலிம்ஸ் இண்டர்நேஷனல் நிறுவனம் தயாரித்தது. இந்நிலையில் கடந்த மே மாதம் வெளியான இந்தப்படம் ஒட்டுமொத்த திரையுலகையும் கலக்கியது. பல மொழி ரசிகர்களையும் இந்தப்படம் கவர்ந்தது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

'விக்ரம்' படத்தினை தொடர்ந்து மீண்டும் விஜயை இயக்கவுள்ளார் லோகேஷ் கனகராஜ். மாஸ்டர் படத்தின் வெற்றிக்கு பிறகு 'தளபதி 67' ல் இந்த கூட்டணி மீண்டும் இணைந்துள்ளது. 'மாஸ்டர்' படத்தில் விமர்சனரீதியாக எழுந்த சர்ச்சைகளை சரிகட்ட போவதாகவும், இந்தப்படம் ழுழுக்க தன்னுடைய பாணியில் இருக்க போவதாகவும் லோகேஷ் பேட்டிகளில் கூறி வருகிறார். மேலும் இந்தப்படத்தில் விஜய் நாற்பது வயதான கேங்க்ஸ்டர் கதாபாத்திரத்தில் நடிக்கவுள்ளதாகவும் கூறப்படுகிறது.

இந்நிலையில் தற்போது வெளியாகியுள்ள லேட்டஸ்ட் தகவலின் படி 'தளபதி 67' படத்தில் 6 வில்லன்கள் நடிக்கவுள்ளதாக தகவல்கள் வெளியாகியுள்ளன. அதன்படி ‘கே.ஜி.எப் ‘2 படத்தின் வில்லன் பாலிவுட் நடிகர் சஞ்சய் சத், மலையாள நடிகர் பிரித்விராஜ், தெலுங்கு சினிமாவின் முன்னணி நடிகர் ஒருவர் உள்ளிட்ட 6 நடிகர்கள் இப்படத்தில் விஜய்க்கு வில்லனாக நடிக்கவுள்ளதாக தகவல்கள் வெளியாகியுள்ளன.

VJ Maheswari: கணவர் வீட்டில் அனுபவித்த கொடுமை: ‘விக்ரம்’ பட நடிகை பகீர் பேட்டி.!

இந்த செய்தி ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது. விஜய் தற்போது வம்சி பைடிபல்லி இயக்கத்தில் ‘வாரிசு’ படத்தில் நடித்து வருகிறார். தில் ராஜுவின் ஸ்ரீ வெங்கடேஸ்வரா கிரியேஷன்ஸ் நிறுவனம் தயாரித்து வரும் இந்தப்படத்தில் ராஷ்மிகா மந்தனா ஹீரோயினாக நடிக்கிறார். ‘வாரிசு’ படம் பொங்கலுக்கு வெளியாகவுள்ளது குறிப்பிடத்தக்கது.