Radhika Sarathkumar: சந்திரகுமாரி சீரியலில் ராதிகாவுக்குப் பதில் இனி விஜி சந்திரசேகர்!

பிரபல தொலைக்காட்சியில் ஒளிபரப்பாகி வந்த ‘சந்திரகுமாரி சீரியலில் நடிகை ராதிகாவுக்குப் பதில் இனி நடிகை விஜி சந்திரசேகர் நடிக்கவுள்ளதாக ராதிகா தரப்பில் இருந்து கூறப்பட்டுள்ளது.

ராதிகா நடித்து வந்த ‘சந்திரகுமாரி சீரியலில் இருந்து தற்போது திடீரென விலகியுள்ளார். அவருக்கு பதிலாக வேறு ஒரு நடிகை நடிக்கவுள்ளார். தமிழ் சினிமாவில் பிரபல நடிகையான ராதிகா வெள்ளித்திரையை போலவே தற்போது சின்னத்திரையிலும் கலக்கி வருகிறார். பிரபல தமிழ் தொலைக்காட்சியான சன் டிவியில் தொடர்ந்து இவரது அடுத்தடுத்த சீரியல்கள் ஒளிபரப்பாகி வருகின்றன. தற்போது ‘சந்திரகுமாரி என்ற வரலாற்று தொடர் ஒளிபரப்பாகி வருகிறது.

ராதிகா சரத்குமார் நடிக்கும் பிரமாண்ட தொடர் ’சந்திரகுமாரி’- புகைப்படங்கள் வெளியீடு

இந்த சீரியலிலும் ராதிகாவே நடித்து வந்த நிலையில் தற்போது அவர் சீரியலில் இருந்து விலகியுள்ளார். அவருக்கு பதிலாக அந்த கேரக்டரில் பிரபல நடிகையான விஜி சந்திரசேகர் நடிக்க உள்ளாராம். இதனால் ராதிகா விஜி சந்திரசேகருக்கு வாழ்த்து கூறி அவரை வரவேற்று ட்வீட் செய்துள்ளார்.