Chiyaan 61: விக்ரமின் அடுத்த தரமான சம்பவம்: வேற லெவல் அப்டேட்..!

தமிழ் திரையுலகில் முன்னணி நடிகராக வலம் வருபவர் விக்ரம். இவர் நடிப்பில் வெளியாகியுள்ள பொன்னியின் செல்வன் படம் ரசிகர்கள் மத்தியில் அமோக வரவேற்பை பெற்று வருகிறது. ஆதித்ய கரிகாலனாக விக்ரம் இந்தப்படத்தில் கலக்கியுள்ளதாக ரசிகர்கள் பாராட்டி வருகின்றனர். இதனையடுத்து பா. ரஞ்சித் படத்தில் நடிக்கவுள்ளார் விக்ரம்.

அண்மையில் வெளியான கோப்ரா, பொன்னியின் செல்வன் படங்களை தொடர்ந்து நடிகர் விக்ரம் நடிக்கவுள்ள 61-வது படத்தை பா.இரஞ்சித் இயக்கவுள்ளார். இப்படத்தை ஸ்டூடியோ கிரீன் சார்பாக கே.இ.ஞானவேல் ராஜா தயாரிக்கவுள்ளதாக கடந்தாண்டு அதிகாரப்பூர்வ அறிவிப்பு வெளியானது. இப்படத்தின் படப்பிடிப்பு பூஜையுடன் அண்மையில் சென்னையில் துவங்கியது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்த பூஜை நிகழ்வில் இயக்குனர் பா.இரஞ்சித், நடிகர்கள் விக்ரம், கலையரசன், ஆர்யா, சிவகுமார், நடன இயக்குனர் சாண்டி, தயாரிப்பாளர் ஞானவேல் ராஜா ஆகியோர் கலந்துகொண்டனர். இசையமைப்பாளர் ஜிவி பிரகாஷும் இதில் கலந்துகொண்டார். இந்தப்படத்திற்கு ‘மைதானம்’ என டைட்டில் வைக்கப்பட்டுள்ளதாக கூறப்படுகிறது.

சோழ மன்னராக அவதாரமெடுக்கும் தனுஷ்: 'பொன்னியின் செல்வன்' நடிகர் சொன்ன மாஸ் தகவல்.!

இந்தப்படம் குறித்து இயக்குநர் பா. ரஞ்சித் கூறும் போது, 'சீயான் 61' படம் 19ஆம் நூற்றாண்டில் பிரிட்டிஷ் காலகட்டத்தில் 'கே.ஜி.எஃப்' - பில் நடைபெற்ற ஒரு உண்மை சம்பவத்தை மையமாக வைத்து உருவாக்கப்படவுள்ளது. இந்த படம் தத்ரூபமானதாகவும், ராவாகவும் இருக்கும். இதில் ஹீரோவின் கதாபாத்திரம் வலுவாக இருக்கும் என்பதால் விக்ரமை தேர்வு செய்துள்ளேன் என தெரிவித்திருந்தார்.


இந்நிலையில் லேட்டஸ்ட் தகவலாக அக்டோபர் 10 ஆம் தேதி, பா. ரஞ்சித் மற்றும் விக்ரம் இணையும் சீயான் 61 படத்தின் படப்பிடிப்பு ஆரம்பமாகும் என்றும் தகவல்கள் வெளியாகியுள்ளன. இந்த தகவல் ரசிகர்கள் மத்தியில் கொண்டாட்டத்தை ஏற்படுத்தியுள்ளது.