Thangalaan: போடு வெடிய.. வேகமெடுக்கும் 'தங்கலான்': வெளியான வெறித்தனமான தகவல்.!

விக்ரம் நடிப்பில் பிரம்மாண்டமாக உருவாகி வருகிறது 'தங்கலான்'. பா. ரஞ்சித் இந்தப்படத்தை இயக்கி வருகிறது. தமிழ் சினிமாவில் தனது தனித்துவமான இயக்கத்தால் முத்திரை பதித்த ரஞ்சித் இயக்கத்தில் கடைசியாக 'துருவ நட்சத்திரம்' படம் வெளியானது. இந்தப்படத்தினை தொடர்ந்து விக்ரமும், ரஞ்சித்தும் கூட்டணி அமைத்துள்ளனர்.

கடந்த ஆண்டு விக்ரம் நடிப்பில் கோப்ரா, பொன்னியின் செல்வன் படங்கள் வெளியானது. மணிரத்னம் இயக்கத்தில் மல்டி ஸ்டார் படமாக வெளியான 'பொன்னியின் செல்வன்' படத்தில் ஆதித்ய கரிகாலனாக விக்ரம் நடித்திருந்தார். லைகா நிறுவனம் தயாரிப்பில் ஏ.ஆர். ரஹ்மான் இசையில் பிரம்மாண்டமாக இந்தப்படம் வெளியானது. இதனையடுத்து தற்போது அதன் இரண்டாம் பாகத்திற்கான ரிலீஸ் வேலைகள் நடந்து வருகிறது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்தப்படங்களை முடித்துவிட்டு விக்ரம் ரஞ்சித் இயக்கத்தில் நடிக்க கமிட் ஆனார். ஸ்டுடியோ கிரீன் சார்பாக ஞானவேல் ராஜா தயாரிக்கும் 'தங்கலான்' படப்பிடிப்பு கடந்த வருடம் பூஜையுடன் துவங்கியது. தொடர்ந்து சந்தோஷ் நாராயணனுடன் பணியாற்றி வந்த ரஞ்சித் 'நட்சத்திரம் நகர்கிறது' படத்தில் தென்மாவுடன் இணைந்தார். தற்போது ஜி.வி. பிரகாஷ் குமார் 'தங்கலான்' படத்திற்கு இசையமைத்து வருகிறார்.

பிரம்மாண்ட பொருட் செலவில் உருவாகி வரும் இந்தப்படத்தின் 'தங்கலான்' டைட்டிலையும் கிளிம்ப்ஸ் வீடியோவையும் கடந்த ஆண்டே படக்குழுவினர் வெளியிட்டனர். இந்தப்படத்திற்கு நீண்ட தாடி, வித்தியாசமான ஹேர்ஸ்டைல் என முரட்டு லுக்கில் காட்சியளித்து வருகிறார் விக்ரமும். இவருடன் பசுபதி, 'பூ' பார்வதி, மாளவிகா மோகனன் உள்ளிட்டோர் நடித்து வருகின்றனர்.

Ravinder Mahalakshmi: மகாலட்சுமி வீட்டு விசேஷம்: வீடியோவுடன் ரவீந்தர் பகிர்ந்த தகவல்..!

கடந்த சில நாட்களாக 'தங்கலான்' படப்பிடிப்பு கோலார் தங்க வயல் பகுதியில் நடைபெற்று வந்தது. இது தொடர்பான புகைப்படங்களும் சமூக வலைத்தளங்களில் வைரலானது. இந்நிலையில் இந்தப்பகுதியில் இன்னும் சில காட்சிகளை மட்டும் எடுத்துவிட்டு, அதன்பிறகு சென்னை மற்றும் மதுரையில் மீதி காட்சிகளை படக்குழு எடுக்கவுள்ளதாக கூறப்படுகிறது. அனேகமாக அடுத்த மாத இறுதியில் 'தங்கலான்' படப்பிடிப்பு முழுமையாக நிறைவடைந்துவிடும் என்றும் தகவல்கள் வெளியாகியுள்ளன.

இந்த வருடத்திற்குள் 'தங்கலான்' படத்தை ரிலீஸ் செய்ய படக்குழு திட்டமிட்டுள்ளதாக கூறப்படுகிறது. கேஜிஎப் பற்றிய உண்மை வரலாற்றை கூறும் விதமாக இந்தப்படம் உருவாகி வருவதாக ரஞ்சித் தனது பேட்டிகளில் ஏற்கனவே கூறியுள்ளார். இதனால் ரசிகர்கள் இந்தப்படத்தின் மீது எக்கச்சக்க எதிர்பார்ப்பில் உள்ளனர். 'தங்கலான்' படம் 3டியில் உருவாகி வருவது குறிப்பிடத்தக்கது.

AK 62: 'ஏகே 62' அறிவிப்பு எப்பதான் வெளியாகும்.?: கடைசில இப்படி ஆகிருச்சே..!