சிம்பு, தனுஷ், விக்ரம் பட தயாரிப்பாளர் மாரடைப்பால் மரணம்

தனுஷ், சாயா சிங் உள்ளிட்டோர் நடித்த திருடா திருடி, புதுக்கோட்டையில் இருந்து சரவணன், சிம்புவின் மன்மதன், துஷ்யந்தின் மச்சி, விக்ரம், சினேகா நடித்த கிங், விவேக்கின் சொல்லி அடிப்பேன் ஆகிய படங்களை தயாரித்தவர் கிருஷ்ணகாந்த். அவர் சென்னை சாலிகிராமத்தில் தன் குடும்பத்தாருடன் வசித்து வந்தார்.

இந்நிலையில் நேற்று இரவு 10.45 மணி அளவில் அவர் மாரடைப்பால் மரணம் அடைந்தார். அவரின் இறுதிச் சடங்கு இன்று நடக்கவிருக்கிறது. கிருஷ்ணகாந்த் இறந்த செய்தி அறிந்தவர்கள் தங்களின் ஆழ்ந்த இரங்கலை தெரிவித்துள்ளனர்.

எஸ்.பி.பி. மீண்டு வருவார் என்று பிரார்த்தித்தோம், அது நடக்கவில்லை: பாரதிராஜா கண்ணீர்

கிருஷ்ணகாந்தின் ஆத்மா சாந்தியடைய பிரார்த்தனை செய்வதாக பலரும் சமூக வலைதளங்களில் கூறியுள்ளனர். கடந்த வெள்ளிக்கிழமை தான் எஸ்.பி. பாலசுப்பிரமணியம் மாரைடப்பால் மரணம் இடைந்தார். இந்நிலையில் கிருஷ்ணகாந்த் இறந்துவிட்டார்.

இந்த 2020ம் ஆண்டு இன்னும் எத்தனை உயிர்களை குடிக்கப் போகிறதோ என்று சினிமா ரசிகர்கள் கவலை தெரிவித்துள்ளனர். திரையுலகை சேர்ந்தவர்கள் ஒன்று கொரோனா வைரஸ் பாதிப்பால் இறக்கிறார்கள், இல்லை என்றால் மாரடைப்பால் மரணம் அடைகிறார்கள்.

அடிக்கடி மரண செய்தியாக வருவதை பார்க்க கவலையாகவும், பயமாகவும் இருக்கிறது என்று சினிமா ரசிகர்கள் தெரிவித்துள்ளனர்.