Vikram: விக்ரம் பட போஸ்டரில் ஆபாச வார்த்தை... நிர்வாகிகள் மீது வழக்குப்பதிவு!

மாநகரம், கைதி மற்றும் மாஸ்டர் ஆகிய படங்களை இயக்கியவர் லோகேஷ் கனகராஜ். கமல்ஹாசனின் விக்ரம் படத்தை இயக்கி உள்ளார். இதில் கமல்ஹாசனுடன் ஃபகத் ஃபாசில், விஜய் சேதுபதி, நரேன் உள்ளிட்ட பலரும் நடித்துள்ளனர். இந்தப்படத்தின் படப்பிடிப்பு போஸ்ட் புரடெக்ஷன் என அனைத்த பணிகளும் நிவைடைந்து வரும் ஜூன் 3 ஆம் தேதி உலகத் முழுவதும் படம் ரிலீஸ் ஆகிறது.

இந்த படத்தை உதயநிதி ஸ்டாலினின் ரெட் ஜெயண்ட் நிறுவனம் இப்படத்தை ரிலீஸ் செய்கிறது. இந்நிலையில் இப்படத்தின் ட்ரெயிலர் மற்றும் பாடல்கள் வெளியாகி ரசிகர்களின் வரவேற்பை பெற்றுள்ளது. விக்ரமின் முதல் சிங்கிள் ட்ராக்கான பத்தல பத்தல பாடலில் மத்திய அரசை சாடியிருந்தார் கமல்.


இதுதொடர்பாக வழக்குப்பதிவு செய்யப்பட்டது. இதேபோல் படத்தின் ட்ரெய்லரிலும் கமல்ஹாசன் ஆபாச வார்த்ததை பேசியது சர்ச்சையானது. இந்நிலையில் விக்ரம் படம் வெற்றி பெற வாழ்த்தி மதுரை மண்டல மக்கள் நீதி மய்யம் கட்சியினர் ஒட்டியுள்ள போஸ்டர் பரபரப்பை ஏற்படுத்தியுள்ளது.

அந்த போஸ்டரில் சில வேடிக்கை மனிதர்களை போல வீழ்வேன் என்று நினைத்தாயோ... என்று குறிப்பிட்டு ட்ரெயிலரில் கமல் பேசும் கெட்ட வார்த்தையை சேர்த்து பார்த்துக்கலாம் என்ற வசனத்துடன் கூடிய போஸ்டரை மதுரை மாநகர் முழுவதும் ஒட்டியுள்ளனர். இதுதொடர்பாக மதுரை மண்டல மக்கள் நீதி மய்யம் கட்சியின் நிர்வாகிகள் கதிரேசன் மற்றும் வினோத் சேது ஆகியோர் மீது வழக்குப்பதிவு செய்துள்ள போலீசார் இருவரிடமும் விசாரணை நடத்தி வருகின்றனர்.