விக்ரம் பிரபு, லட்சுமி மேனன் நடித்துள்ள படம் நேரடியாக தொலைக்காட்சியில் வெளியீடு!

2012ஆம் ஆண்டு பிரபு சாலமன் இயக்கத்தில் வெளிவந்த தமிழ் திரைப்படம் கும்கி. இந்தப்படத்தில் தான் விக்ரம் பிரபு அறிமுகமானார். இவர் நடிகர் திலகம் சிவாஜி கணேசனின் பேரனும், நடிகர் பிரபுவின் மகனும் ஆவார். இப்படத்தில் இவருக்கு ஜோடியாக நடிகை லட்சுமி மேனன் நடித்துள்ளார்.

லட்சுமி மேனன் தமிழில் கும்கி படத்தில் அறிமுகம் ஆனார். ஆனால் இவரின் அடுத்த படமான சுந்தர பாண்டியன் படம் முதலில் வெளிவந்தது குறிப்பிடத்தக்கது.

தியேட்டர்களில் 100% பார்வையாளர்களுக்கான அனுமதி ரத்து: அப்போ ஈஸ்வரன் கதி?
கும்கி படத்தில் லட்சுமி மேனன் பழங்குடியினப் பெண் கெட்டப்பில் நடித்திருந்தார். இந்தப்படம் விமர்சன ரீதியாகவும் வசூல் ரீதியாகவும் வெற்றி பெற்றிருந்தது.
இப்படத்தை தொடர்ந்து 'குட்டி புலி', 'பாண்டியநாடு' உள்ளிட்ட பல படங்களில் நடித்து பிரபலமானார்.

தற்பொழுது மறுபடியும் விக்ரம் பிரபு மற்றும் லட்சுமி மேனன் கூட்டணி இணைகிறது.
தமிழ் சினிமாவில் முன்னணி இயக்குநராக வலம் வருபவர் முத்தைய்யா. இவர் இயக்கிய 'குட்டிபுலி', 'கொம்பன்' உள்ளிட்ட திரைப்படங்கள் ரசிகர்களை வெகுவாக கவர்ந்தது குறிப்பிடத்தக்கது.

இந்த இரண்டு படங்களிலும் லட்சுமி மேனன் ஹுரோயினாக நடித்திருந்தார் என்பது குறிப்பிடத்தக்கது.

முத்தையா எழுதி இயக்கிய 2019ஆம் ஆண்டு வெளிவந்த படம் தேவராட்டம். இப்படத்தில் கவுதம் கார்த்திக் மற்றும் மஞ்சிமா மோகன் ஆகியோர் நடித்திருந்தனர்.இப்படத்திற்க்கு பிறகு முத்தையா உருவாக்கிய படம் 'புலிக்குத்தி பாண்டியன்’

கயல் ஆனந்திக்கு கல்யாணமாகிடுச்சு: மாப்பிள்ளை நம்ம கோலிவுட்காரர் தான்
முன்பு இந்தப் படத்திற்கு ‘பேச்சி’ என்று தலைப்பிடப்பட்டிருந்தது. தற்போது இந்தப் படத்திற்கு ‘புலிக்குத்தி பாண்டியன்’ என்று பெயர் மாற்றப்பட்டுள்ளது.

'புலிக்குத்தி பாண்டியன் படப்பிடிப்பு மதுரை, திண்டுக்கல் உள்ளிட்ட இடங்களில் நடைபெற்றது. சன் பிக்சர்ஸ் தயாரிக்கும் இந்தப் படத்துக்கு வேல்ராஜ் ஒளிப்பதிவாளராக பணியாற்றியுள்ளார். ரகுநந்தன் இந்த திரைப்படத்திற்கு இசையமைத்துள்ளார்.
கடந்த டிசம்பர் 30ஆம் தேதி படத்தின் ஃபர்ஸ்ட் லுக் போஸ்டரை வெளியிட்டது படக்குழு

இந்நிலையில் 'புலிக்குத்தி பாண்டி’ திரைப்படம் ஓடிடி, தியேட்டர்களுக்கு வராமலேயே நேரடியாக 'சன் டிவி சேனலில்' வெளியாக இருக்கிறது.

ஜனவரி 15ஆம் தேதி மாலை 6.30 மணிக்கு சன் டிவியில் நேரடியாக ‘புலிக்குத்தி பாண்டி’ ரிலீசாகும் என்று அதிகாரப்பூர்வமாக அறிவிக்கப்பட்டுள்ளது.

முன்னதாக கன்னட படமான 'மாயாபஜார் 2016' படம் தமிழில் ‘நாங்க ரொம்ப பிஸி’ என்ற டைட்டிலில் ரீமேக் செய்யப்பட்டிருந்தது. இந்தப் படம் நவம்பர் 14ஆம் தேதி தீபாவளி அன்று காலை 11 மணிக்கு நேரடியாக சன் டிவியில் ஒளிபரப்பானது. பத்ரி இயக்கத்தில் பிரசன்னா, ஷாம், அஸ்வின், யோகி பாபு, ஸ்ருதி மராத்தே உள்ளிட்ட பலர் இந்தப் படத்தில் நடித்திருந்தனர்.

தற்பொழுது விக்ரம் பிரபு மணிரத்னம் இயக்கத்தில் ‘பொன்னியின் செல்வன்’ படத்திலும், ‘பாயும் ஒளி நீ எனக்கு’ என்ற படத்திலும் நடித்து வருகிறார் என்பது குறிப்பிடத்தக்கது.