‘விக்ரம் வேதா’ - அமெரிக்காவிலும் பாக்ஸ்ஆபிஸ் ஹிட்!

தமிழகம் மட்டுமின்றி அமெரிக்காவிலும் ‘விக்ரம் வேதா’ வசூலில் சாதனை படைத்து வருகிறது.

மாதவன் - விஜய் சேதுபதி நடிப்பில் உருவான ‘விக்ரம் வேதா’ தமிழகம் மட்டுமின்றி அமெரிக்காவிலும் வசூலில் பெரும் சாதனை படைத்து வருகிறது. இதனால் படத்தின் தயாரிப்பாளர் மற்றும் இயக்குனர் பெரும் மகிழ்ச்சியில் உள்ளனர்.

‘விக்ரம் வேதா’ விமர்சன ரீதியில் மட்டுமன்றி, வசூல் ரீதியிலும் பெரும் வரவேற்பைப் பெற்று வருகிறது. இதனால் அப்படத்தின் தயாரிப்பாளர் மற்றும் விநியோகஸ்தர்கள் பெரும் மகிழ்ச்சியில் இருக்கிறார்கள். இப்படத்தின் முதல் வார வசூல் மட்டுமே சுமார் 10 கோடியை கடந்துள்ளது. சென்னையில் மட்டும் 1.5 கோடியை கடந்துள்ளது. தமிழகத்தில் மட்டுமன்றி அமெரிக்காவில் வசூல் சாதனையை நிகழ்த்தியுள்ளது ‘விக்ரம் வேதா’.

இப்படத்தை அமெரிக்காவில் வெளியிட்ட அட்மஸ் எண்டர்டெயின்மண்ட் தங்களுடைய அதிகாரபூர்வ ட்விட்டர் பக்கத்தில், ”’விக்ரம் வேதா’ அமெரிக்காவில் பெரும் வெற்றி பெற்றுள்ளது. இதுவரை சுமார் 1,82,000 டாலர்கள் வசூலித்துள்ளது. இதனால் விநியோகஸ்தர்கள் மற்றும் தியேட்டர் உரிமையாளர்கள் அனைவருமே தங்களுடைய மகிழ்ச்சியை வெளிப்படுத்தியுள்ளனர்.

படத்தில் மாதவன், விஜய் சேதுபதி, கதிர், வரலட்சுமி சரத்குமார், ஷ்ரதா ஸ்ரீநாத் உட்பட பலர்நடித்துள்ளனர். படத்திற்கு சாம் இசையமைத்துள்ளார். படத்தை சஷிகாந்த் தயாரித்துள்ளார். படத்தை புஷ்கர் & காயத்ரி இணைந்து இயக்கியுள்ளனர்.