நயன்தாரவைத் தொடர்ந்து தல அஜித்துக்கு ஜோடியாகும் ஷ்ரத்தா!

அஜித் நடிக்கும் 59 ஆவது படத்தில் அவருக்கு ஜோடியாக விக்ரம் வேதா புகழ் ஷ்ரத்தா ஸ்ரீநாத் நடிக்கயிருப்பதாக கூறப்படுகிறது.

சிறுத்தை சிவா இயக்கத்தில் தல அஜித் விஸ்வாசம் படத்தில் நடித்துள்ளார். சன் பிக்சர்ஸ் நிறுவனம் தயாரித்துள்ள இப்படம் வரும் பொங்கல் பண்டிகையை முன்னிட்டு ஜனவரி 10ம் தேதி திரைக்கு வரவுள்ளது. இப்படத்தைத் தொடர்ந்து அடுத்து, இயக்குனர் வினோத் இயக்கத்தில் தனது 59 ஆவது படத்தில் நடிக்க இருக்கிறார். இப்படத்தை மறைந்த நடிகை ஸ்ரீதேவியின் கணவர் போனி கபூர் தயாரிக்கிறார். பாலிவுட்டில் அமிதாப் பச்சன், டாப்சி ஆகியோரது நடிப்பில் வெளியான பிங்க் படத்தின் தமிழ் ரீமேக்காக இப்படம் உருவாகிறது.

இப்படத்திற்கு யுவன் ஷங்கர் ராஜா இசையமைக்கிறார். இதில், ரங்கராஜ் பாண்டே, ஆதிக் ரவிச்சந்திரன் ஆகியோரும் நடிக்கின்றனர். இவர்களைத் தொடர்ந்து நஸ்ரியா மற்றும் கல்யாணி பிரியதர்ஷன் ஆகியோரும் நடிக்கயிருப்பதாக கூறப்படுகிறது. வரும் மே 1ம் தேதி அஜித்தின் பிறந்தநாள் மற்றும் உழைப்பாளர் தினத்தை முன்னிட்டு படம் வெளியாக இருக்கிறது.

இந்த நிலையில், இப்படத்தில் தல அஜித்திற்கு ஜோடியாக விக்ரம் வேதா புகழ் ஷ்ரத்தா ஸ்ரீநாத் நடிக்கயிருப்பதாக கூறப்படுகிறது. இதற்காக அவரிடம் பேச்சுவார்த்தை நடத்தப்பட்டு வருவதாக தகவல் தெரிவிக்கின்றது.