விக்ரம் வேதா, மீசைய முறுக்கு படத்தின் ரிலீஸ் தேதியில் புதிய திருப்பம்

விக்ரம் வேதா, மீசைய முறுக்கு படத்தின் ரிலீஸ் தேதியில் திடீர் மாற்றம் செய்யப்பட்டுள்ளது.

புஷ்கர் காயத்ரி இயக்கத்தில் மாதவன், விஜய் சேதுபதி இணைந்து நடித்துள்ள படம் ‘விக்ரம் வேதா’. இப்படம் இந்த வாரம் 7ம் தேதி வெளியாக இருந்தது. ஆனால் தியேட்டர்கள் வேலை நிறுத்தம் பிரச்னையால் ரிலீஸ் தேதி தள்ளிப்போய் உள்ளது.

இந்நிலையில் ‘விக்ரம் வேதா’ படம் வரும் 21ம் தேதி ரிலீச் செய்யப்படும் என அப்படக் குழு அறிவித்துள்ளது. இதே பிரச்னை காரணமாக ஹிப் ஹாப் தமிழா ஆதி நடிப்பில் உருவாகியுள்ள ‘மீசைய முறுக்கு’ படமும் 21ம் தேதி வெளியிடப்படும் என அறிவிக்கப்பட்டுள்ளது.

சாட்டை படத்தை இயக்கிய அன்பழகன் இயக்கத்தில், கயல் சந்திரன், ஆனந்தி நடிப்பில் உருவாகியுள்ள ‘ரூபாய்’ திரைப்படத்தை வரும் 14ம் தேதி ரிலீஸ் செய்யப்படும் என தெரிவிக்கப்பட்டுள்ளது.