Chiyaan Vikram: 'தங்கலான்' படத்துக்காக தீயாய் வேலை செய்யும் விக்ரம்: வெறித்தனமான நியூ லுக்.!

தமிழ் திரையுலகில் முன்னணி நடிகராக வலம் வருபவர் விக்ரம். இவர் நடிப்பில் அண்மையில் வெளியான 'பொன்னியின் செல்வன்' படம் ரசிகர்கள் மத்தியில் அமோக வரவேற்பை பெற்று வருகிறது. ஆதித்ய கரிகாலனாக விக்ரம் இந்தப்படத்தில் கலக்கியுள்ளதாக ரசிகர்கள் பாராட்டி தள்ளினர். இதனையடுத்து பா. ரஞ்சித் படத்தில் நடிக்கவுள்ளார் விக்ரம்.

அண்மையில் வெளியான கோப்ரா, பொன்னியின் செல்வன் படங்களை தொடர்ந்து நடிகர் விக்ரம் நடிக்கவுள்ள 61-வது படத்தை பா.இரஞ்சித் இயக்கவுள்ளார். இப்படத்தை ஸ்டூடியோ கிரீன் சார்பாக கே.இ.ஞானவேல் ராஜா தயாரிக்கவுள்ளதாக கடந்தாண்டு அதிகாரப்பூர்வ அறிவிப்பு வெளியானது. இதன் படப்பிடிப்பு பூஜையுடன் அண்மையில் சென்னையில் துவங்கியது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்த பூஜை நிகழ்வில் இயக்குனர் பா.இரஞ்சித், நடிகர்கள் விக்ரம், கலையரசன், ஆர்யா, சிவகுமார், நடன இயக்குனர் சாண்டி, தயாரிப்பாளர் ஞானவேல் ராஜா ஆகியோர் கலந்துகொண்டனர். இசையமைப்பாளர் ஜிவி பிரகாஷும் இதில் கலந்துகொண்டார். இந்நிலையில் அண்மையில் இந்தப்படத்தின் 'தங்கலான்' டைட்டில் மற்றும் கிளிம்ஸ் வீடியோ வெளியானது.

Amir, Pavani Reddy: அது நடந்து ஒரு வருடம் ஆகிருச்சு: உருகும் அமீர், பவானி.!

'தங்கலான்' படப்பிடிப்பு தற்போது விறுவிறுப்பாக நடைபெற்று வருகிறது. இந்நிலையில் இந்தப்படத்துக்காக நடிகர் சீயான் விக்ரம், வித்தியாசமான கெட் அப்பில் இருக்கும் புகைப்படங்கள் சிலவற்றை தனது ட்விட்டர் பக்கத்தில் பகிர்ந்துள்ளார். நீண்ட அடர்த்தியான தாடியுடன் விக்ரம் மாஸ் லுக்கில் இருக்கும் புகைப்படங்கள் இணையத்தில் வைரலாகி வருகிறது.

Varisu VS Thunivu: 'துணிவு' படத்திற்கு 800 தியேட்டரா.?: அப்போ வாரிசுக்கு.? உண்மை நிலை என்ன.?

பான் இந்தியா படமாக உருவாகவுள்ள 'தங்கலான் கேஜிஎப் பற்றிய உண்மை வரலாறை கூறும் விதமாக உருவாக்கப்படவுள்ளதாக பா. ரஞ்சித் தெரிவித்துள்ளார். மேலும் 3டியில் உருவாகவுள்ள இந்தப்படத்தில் பசுபதி, பார்வதி, மாளவிகா மோகனன் நடிப்பது குறிப்பிடத்தக்கது.